चट्याङसहित वर्षा गराउने बादल पश्चिमबाट पूर्व सर्दै : मौसम पूर्वानुमान

६ फागुन, काठमाडौं । जल तथा मौसम पूर्वानुमान महाशाखाले चट्याङसहित वर्षा गराउने बादल पश्चिमबाट पूर्व सर्दै गइरहेकाे जनाएकाे छ । महाशाखाका अनुसार सुदूरपश्चिम तथा गण्डकी प्रदेश आसपासका भू–भागहरूमा मेघगर्जन चट्याङ्सहित वर्षा गराउने बादल विकसित भएको  हाे ।

चट्याङसहित वर्षा गराउने बादल पश्चिमबाट पूर्व सर्दै गएकाले आवश्यक सतर्कता अपनाउन जल तथा मौसम विज्ञान विभागको मौसम पूर्वानुमान महाशाखाले जनाएको छ । यसको प्रभाव केही घण्टासम्म मात्रै रहने छ ।

हाल नेपालमा पश्चिमी वायुको आंशिक प्रभाव छ । मौसम पूर्वानुमान महाशाखाका अनुसार सुदूरपश्चिम, कर्णाली तथा गण्डकी प्रदेशमा सामान्य बदलीको अवस्था छ । अपराह्नपछि देशका पहाडी भागका थोरै स्थानहरुमा मेघ गर्जनरचट्टयाङसहित वर्षाको सम्भावना रहेको महाशाखाले जनाएको छ ।

यसैगरी फागुन २७ गते गण्डकी, बागमती र प्रदेश १ का पहाडी भू–भागमा तथा २८ गते प्रदेश २ मा आंशिक बदली रही बाँकी प्रदेशहरुमा सामान्य बदलीको सम्भावना छ । यसैगरी देशको पहाडी भू–भागका थोरै स्थानहरुमा मेघ गर्जन र चट्टयाङसहित वर्षाको सम्भावना छ ।