इतिहास दोहोरिन सक्छ: कांग्रेस र जसपाको सक्रियता बढ्यो
नेपालबहस संवाददाता
फागुन २८, २०७७ शुक्रबार १८:४१:४७
२८ फागुन, काठमाडौं । अन्ततः ०५२ सालदेखि शुरु भएको सत्ता स्वार्थको पुनरावृत्ति नेपाली राजनीतिक जगतले फेरि ब्यहोर्नुपर्ने अवस्था निर्माण भएको छ । त्यसबखत नेकपा एमालेले संसदमा तेस्रो शक्तिका रुपमा रहेको राष्ट्रिय प्रजातन्त्र पार्टीलाई प्रधानमन्त्री नै सुम्पिएर विकृति भित्र््याएको थियो । ठीक त्यही अवस्था अहिले निर्माण गर्न फेरि एमाले नै सक्रिय भएको छ । यतिबेलाको पात्र भने राप्रपाको ठाउँमा जनता समाजवादी पार्टी बन्न पुगेको छ ।
नेकपा एमालेको अल्पमतको सरकारका प्रधानमन्त्री मनमोहन अधिकारीले प्रतिनिधिसभा विघटन गर्दा सर्वाेच्च अदालतले मानेन । त्यसपछि बनेको शेरबहादुर देउवा सरकार गिराउन एमालेले राप्रपाका नेता लोकेन्द्रबहादुर चन्दलाई प्रधानमन्त्री बनायो । जसले गर्दा संसदीय व्यवस्था नै बद्नाम बन्न पुुगेको थियो । अहिले पनि एमालेले आफ्नो सरकार जोगाउन संसदमा चौथो तर निर्णायक शक्तिका रुपमा देखापरेको जसपालाई उपयोग गर्न उद्यत भएको छ ।
सर्वाेच्च अदालतले प्रधानमन्त्री केपी ओलीको प्रतिनिधिसभा विघटनको सिफारिश गलत भनिसक्दापनि लोकलाज र नैतिकताको ख्याल गरिएन । बरु उल्टो राजीनामा दिन्न भन्दै ओलीले अहंकारपूर्ण दम्भी स्वभाव अझै उराल्न थालेका छन् । सामान्य राजनीतिक नैतिकता थियो भने ओलीलाई अब यो देशको असफल नेता भनेर न्यायालय लगायत सारा दुनियाँले भनिसक्दा राजीनामा गरेर मार्ग प्रसस्त गर्थे । तर कम्युनिष्टहरु सत्ताबाट बाहिरिन कीमार्थ चाहँदैनन् भन्ने दृष्टिान्त पुष्टि गर्न ओली प्रवृत्ति नै काफी छ ।
प्राविधिक रुपमा ओली सत्तामा त होलान् तर शासन गर्ने नैतिक र कानूनी हैसियत भने गुमाइसकेका छन् । त्यसैले उनी सत्ताका लागि जस्तोसुकै सम्झौता गर्ने प्रवृत्ति रहेको आफू जस्तै सोच र स्वभाव भएका मधेश केन्द्रित दललाई रोजेका छन् । त्यही दलमा ओली प्रवृत्तिको कटु आलोचना गर्नेहरु पनि छन् । तर ओली तिनलाई पाखा लगाएर भएपनि प्राविधिक रुपमा सत्ता जोगाउने खेलमा घृणित खेल खेल्दैछन् ।
यसका लागि ओलीले रेशम चौधरीको रिहाई मात्र होइन, संविधान नै संशोधन गरेर मधेशी नेताको विश्वास लिने दाउमा छन् । कुनै बेला राष्ट्रियताको चर्काे भाषण गर्ने ओली भनेका छट्टु स्यालको नेपाली संस्करण हो भन्ने प्रमाणित गर्न उनी तयार छन् । सायद त्यसैका लागि ओली अहिले प्रधानमन्त्री पदका लागि सबै अडान त्याग्न तयार भएका हुन् ।
उता, ओलीको हातबाट जसरी भएपनि सत्ता हत्याउन नेकपा माओवादी केन्द्र पनि लागिपरेको छ । यसका लागि अध्यक्ष पुष्पकमल दाहाल प्रचण्ड विशेष रुपले सक्रिय भएका छन् । उनले कांग्रेस सभापति शेरबहादुर देउवा र जसपा नेताद्वय डा. बाबुराम भट्टराई र उपेन्द्र यादवलाई भेटे । देउवाले सत्ता राजनीतिमा त्यति धेरै चासो नदेखाएकाले प्रचण्ड सुस्ताएका थिए । तर हिजो प्रधानमन्त्री ओलीसँग जसपा नेताहरुले लामो गुफ्त गु गरेपछि भने बुढानिलकण्ठसमेत सजग भएको छ ।
देउवा निवासमा आज बिहान भेला भएका कांग्रेस नेताहरुले ओली सरकारको निरन्तरता त्यो पनि मधेसी नेताको साथ र समर्थनमा भयो भने कांग्रेसका लागि घातक हुन सक्ने ठहर गरेको छ । नेकपा एमाले प्राविधिक रुपमा एकै ठाउँमा उभिएकाले पनि अब कांग्रेसका लागि निर्वाचन समेत सहज नहुन सक्ने अनुमान गरियो । साथै, अहिले समर्थन जुटाए भने ओली सरकार कायमै रहने र एकलौटी चुनावी सरकार बनाउन सक्ने भन्दै जसरी भएपनि ओलीलाई विस्थापन गर्नुुपर्ने पक्षमा नेताहरु उभिएका छन् । त्यसपछि भने देउवाले प्रचण्डसँग छलफल गरी जसपा नेताहरुसँग साँझ ४ बजे आफ्नै निवासमा भेट्ने तय गरेका छन् ।
देउवाले आफू सत्तामा जान मरिहत्ते नगर्ने बताउँदै आएका बेला एकाएक सत्ता राजनीतिमा रुची देखाएकाले परिस्थिति बदलिन सक्ने अनुमान गरिएको छ । स्रोतका अनुसार, ओली सरकार विस्थापित गर्न आवश्यक प¥यो भने सरकारको नेतृत्व गर्न नै देउवले जसपालाई प्रस्ताव गर्ने भएका छन् । त्यसको छनक उनले अध्यक्ष महन्थ ठाकुरलाई दिइसकेका छन् ।
देउवाले यस्तो संकेत गरेपछि जसपाले आजै संसदीय दलको नेतामा ठाकुरलाई चयन गर्ने तयारी थालेको छ । दिउँसो १ बजे दलको बैठक बस्दैछ । यदि ठाकुरलाई प्रधानमन्त्री बनाउने अवस्था निर्माण भयो भने देशमा एकपटक फेरि इतिहास दोहरिनेछ । नयाँ खालको राजनीतिक ध्रुवीकरण हुने सम्भावना पनि देखिएको छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपयस वर्ष पनि एनएमबी बैंकका शेयरधनीको हात खाली, वितरण योग्य मुनाफा ऋणात्मक
बैशाख ३०, २०८१ आइतबार
बाल मन्दिरपछि सीआईबीको नजरः टीकापुर, तारागाउँ र हरिसिद्धि तिर
बैशाख ३०, २०८१ आइतबार
सहकारी प्रकरण: रवि विरुद्ध के छ काग्रेससँग प्रमाण ?
बैशाख २९, २०८१ शनिबार
बजेट बनाउन अर्थमन्त्रीको टीम भन्दा गिरोह सक्रिय, करका दरमा खेल्ने प्रयास
नेपालबहस संवाददाता
बैशाख २९, २०८१ शनिबार
उडिरहेको विमानमा एयर होस्टेसलाई यात्रुले दुर्व्यवहार गरेपछि...
नेपालबहस संवाददाता
बैशाख ३०, २०८१ आइतबार
उडिरहेको विमानमा एयर होस्टेसलाई यात्रुले दुर्व्यवहार गरेपछि...
बैशाख ३०, २०८१ आइतबार
यस वर्ष पनि एनएमबी बैंकका शेयरधनीको हात खाली, वितरण योग्य मुनाफा ऋणात्मक
बैशाख ३०, २०८१ आइतबार
सरकारलाई दिएको समर्थन फिर्ता लिने जसपा नेपालको निर्णय
बैशाख ३०, २०८१ आइतबार
धुलिखेल र जापानको सरोमा नगरबीच सीप–प्रविधि आदानप्रदान सम्झौता
बैशाख ३०, २०८१ आइतबार
ठगी आरोपमा चार जना पक्राउ
बैशाख ३०, २०८१ आइतबार
सर्वोच्चद्वारा वर्ल्डलिंकको रिट खारेज,शुल्क असुल्न बाटो खुल्ला
बैशाख ३०, २०८१ आइतबार
राजस्थानमाथि चेन्नई ५ विकेटले विजयी
बैशाख ३०, २०८१ आइतबार
सिन्धुपाल्चोकमा मोटरसाइकल दुर्घटना हुँदा एकको मृत्यु
बैशाख ३०, २०८१ आइतबार