बुधबार , बैसाख ८, २०७८

खोप लगाएका ज्येष्ठ नागरिक भन्छन् अब त धेरै बाँचिन्छ

खोप लगाएका ज्येष्ठ नागरिक भन्छन् अब त धेरै बाँचिन्छ

१ चैत,गलकोट । नेपालमा कोरोनाको महामारी शुरु भएपछि सबैभन्दा जोखिममा ज्येष्ठ नागरिक थिए । कोभिडको भयावह चलिरहेका बेला ज्येष्ठ नागरिक र दीर्घरोगीलाई कोरोना भाइरस सङ्क्रमणको खतरा रहेको भन्दै विशेष ख्याल गर्न आग्रह गरिएको समाचार दैनिकजसो आउँथ्यो । कोरोना रआफूहरुलाई छिटो सर्ने र ज्यानसमेत लिने समाचार सुनेर केही हतास बनेकी काठेखोला गाउँपालिका–३ निवासी श्यामकुमारी विश्वकर्मा अहिले ढुक्क भएकी छिन् ।

उनले धौलागिरि अस्पताल बाग्लुङको खोप केन्द्रमा कोरोना विरुद्धको खोप लगाएकी हुन् । “हामी जस्ता बूढेसकाल लागेकालाई कोरोनाले चाँडै लान्छ कि भन्ने थियो, खोप लगाएपछि अझै केही वर्ष संसार देख्न पाइन्छ कि भन्ने लागेको छ”, खोप लगाएपछि प्रशन्न मुद्रामा विश्वकर्माले भनीन्, “रेडियोमा भर्खरका उमेरका युवासमेत कोरोनाका कारण मृत्यु भएको सुन्दा हामी जस्ता ७५ काटेकालाई के राख्ला भन्ने थियो, अहिले कोरोना विरुद्धकै खोप आएर लगाइयो पनि, अब कोरोनाबाट बच्ने भइयो भन्ने आश पलाएको छ ।”

Kumari Bank 300x290 new
Global IME Bank new
Nepal Life Insurance

बाग्लुङ नगरपालिका–४ का ७१ वर्षीय खडानन्द उपाध्याय, वडा नं ३ का ७५ वर्षीय खिमप्रसाद सिलवाल तथा वडा नं १० भकुण्डे निवासी ७० वर्षीया इन्द्रकुमारी पौडेलको कोरोना खोप अनुभव पनि उस्तै छ । डाँडामाथिका घाम जस्ता बनेका उनीहरुले कोरोना खोप लगाउन पाउँदा खुशी भएका मात्रै छैनन्, केही वर्ष अझै बाँच्ने आशा पलाएको बताउँछन् । “१० महिनासम्म कोरोनाका विषयमा सुन्दा मरिन्छ कि भन्ने थियो”, सिलवालले भने, “तर यति छिट्टै सरकारले कोरोना खोप ल्याउला भन्ने लागेकै थिएन, कोरोना खोप लगाएपछि कोरोना लाग्दैन भन्ने आत्मबल उच्च हुँदोरहेछ, अलि वर्ष बाँच्न पाइने भयो भनेर ढुक्क छु ।” सिलवालले खोपको व्यवस्थापनका लागि सरकारलाई धन्यवादसमेत दिए । उनले महामारीको रूपमा रहेको कोरोना खोप लगाउन पाउँदा निकै खुशी भएको बताउछन् ।

कोरोनाका कारण मरिन्छ कि भनेर लागेको डर कोरोना खोप लगाएपछि हटेर गएको भकुण्डे निवासी पौडेल बताउछन् । “दीर्घरोगी र हामी जस्तालाई कोरोनाले छोड्दैन भन्ने सुन्दै आएका कारण घरभन्दा बाहिर जान पनि डर थियो”, पौडेलले भने, “खोप लगाएपछि केही ढुक्क भयो, अब अरुनै कारणले मरिएला, कोरोनाले चाँही नमर्ने भइयो ।” पौडेलले आफूजस्ता ज्येष्ठ नागरिकलाई कोरोना खोपले हदैसम्म राहत मिलेको बताए ।

“कोरोना खोप भर्खर आउला भन्ने लागेकै थिएन, तर सरकारले ज्येष्ठ नागरिकलाई छिट्टै कोरोना विरुद्धको खोपको व्यवस्थापन गरेकोमा खुशी लागेको छ”, उपाध्यायले बताए । उनले खोप ल्याउने सरकार र खोप लगाउने स्वास्थ्यकर्मीलाई धन्यवादसमेत दिए । धौलागिरि अस्पतालको कोरोना खोप केन्द्रमा अहिले ज्येष्ठ नागरिक उत्साहका साथ खोप लगाउन आइरहेका छन् । बाग्लुङमा अहिले ६२ स्थानबाट कोरोना विरुद्धको खोप प्रदान गरिएको छ । नेपालमा कोरोना भित्रिएको ११ महिना पूरा पुग्दा खोप अभियान दोस्रो चरणमा पुगेको छ ।

गत फागुन २३ गतेदेखि ६५ वर्षमाथिका सबै ज्येष्ठ नागरिकलाई सरकारले कारोना खोप लगाइरहेको छ । स्वास्थ्यकर्मी, सफाइ तथा महिला स्वास्थ्य स्वयंसेविकालाई पहिलो चरणमा खोप लगाएको सरकारले कोरोनाको उच्च जोखिममा रहेका ज्येष्ठ नागरिकलाई कोरोना खोप लगाउन थालेको हो । शनिबारसम्म १२ हजार १३ ज्येष्ठ नागरिकलाई कोरोना खोप लगाइएको स्वास्थ्य कार्यालय बागलुङका प्रमुख सुरज गुरौले जानकारी दिए ।

अहिलेसम्म जिल्लाका १० पालिकामध्ये ७ पालिकामा खोप अभियान चालिएको र केही दिनमै सबै पालिकामा खोप अभियान पु¥याइने उनले जानकारी दिए कोरोनाका कारण ज्येष्ठ नागरिकलाई सामान्य प्रभाव पारे पनि कुनै समस्या नभएको गुरौले जानकारी दिए ।

प्रतिक्रिया

सम्बन्धित समाचार

नेपालबहस ट्रेन्डिङ

लोकप्रिय

जनमोर्चाको चौँथो राष्ट्रिय सम्मेलन वुटवलमा जनमोर्चाको चौँथो राष्ट्रिय सम्मेलन वुटवलमा ३ हप्ता पहिले
फेरि अर्को हाइड्रो कम्पनी आईपीओ निष्कासनको अनुमति माग्दै पुग्याे धितोपत्र बोर्ड फेरि अर्को हाइड्रो कम्पनी आईपीओ निष्कासनको अनुमति माग्दै पुग्याे धितोपत्र बोर्ड २ हप्ता पहिले
हात्तीको आहाराका लागि वनमन्त्रीद्वारा सवा लाख सहयोग हात्तीको आहाराका लागि वनमन्त्रीद्वारा सवा लाख सहयोग ४ हप्ता पहिले
तनहुँको ग्रामीण भेगमा विद्युत् विस्तार तनहुँको ग्रामीण भेगमा विद्युत् विस्तार ४ दिन पहिले
बलात्कार र हत्याको बिरोधमा नेबिसंघद्वारा संसद भवन अगाडी प्रदर्शन बलात्कार र हत्याको बिरोधमा नेबिसंघद्वारा संसद भवन अगाडी प्रदर्शन १ हप्ता पहिले
धुम्बाराही तरकारी फलफूल बिक्री केन्द्रमा पनि क्युआरबाट भुक्तानी, नबिल बैंकले गर्यो सुरुवात धुम्बाराही तरकारी फलफूल बिक्री केन्द्रमा पनि क्युआरबाट भुक्तानी, नबिल बैंकले गर्यो सुरुवात २ हप्ता पहिले
संक्रमण रोकथाममा एमाले कमिटी परिचालन संक्रमण रोकथाममा एमाले कमिटी परिचालन ३ दिन पहिले
आज बालबालिकालाई भिटामिन ए र जुकाको औषधि खुवाइँदै आज बालबालिकालाई भिटामिन ए र जुकाको औषधि खुवाइँदै २ दिन पहिले