बुधबार , बैसाख ८, २०७८

फार्म र डेरीले उकासिएको महिलाका जीवन

फार्म र डेरीले उकासिएको महिलाका जीवन

२ चैत,इलाम । फाकफोकथुम गाउँपालिका एकतप्पाकी ममता खनाललाई बिहानको रिमरिमभन्दा पहिले नै गोठमा पुग्न बित्छ । बिहानको उज्यालो भुइँमा झर्नुअघि नै गाईवस्तुको थलाभकारा र खोलेको मेल सक्नुपर्छ । उनले सानाठूला गरी ४२ गाईभैँसी पालेकी छिन् । बिहानमात्र होइन, दिनसमेत उनको त्यहीँ गाईभैँसीको स्याहारमै बित्छ । उनले आफूले मात्र सबै काम नभ्याउने छाँट देखिएपछि फार्ममा केही कामदार पनि राखेकी छिन् । घरका प्रायः काम भने उनले नै भ्याउछिन् । गत पाँच वर्षअघि यो फार्म पाँचवटा गाईबाट शुरुआत गरिएको हो ।

उनका श्रीमान् ९सरोज० अर्थोपार्जनका लागि विदेश गएका थिए । सन्तान साना थिए । घरमा साना बच्चाबच्ची हुर्काउने बाध्यता ममताका काँघमा थियो । श्रीमान् घर फर्किएपछि व्यावसायिक तवरले गाई पाल्ने सल्लाह भयो । एकातिर बालबच्चा पढाउनमा समस्या थियो भने अर्कातिर स्वदेशमै केही व्यवसाय गर्न पाए हुन्थ्यो भन्ने लाग्यो । वैदेशिक रोजगारीका क्रममा कमाएको रकम लगानी गर्नकै लागि श्रीमान्श्रीमती मिलेर शुरुमा फार्म शुरु गरे । खासै धेरै रकम थिएन । फार्म दर्ता गर्न पाँचवटा गाई चाहिन्छ भन्ने बुझेपछि ऋणपान गरेर त्यति नै गाई किने ।

Kumari Bank 300x290 new
Global IME Bank new
Nepal Life Insurance

दिनानुदिन वस्तु पाल्नमा आकर्षण बढ्दै गयो भने आकर्षणसँगै फाइदा पनि । त्यतिकै मात्र पाँचबाट सात, सातबाट नौ गर्दै अहिले पाँच भैँसी र ३० गाईसँगै केही बाच्छा र पाडा छन् । अहिले ममताका श्रीमान्को विदेशिने सोच पनि छैन । उनलाई पनि नयाँ काम गर्नुपर्ला जस्तो लाग्दैन । एकातिर आफ्नै फार्ममा काम हुन्छ भने अर्कातिर डेरी पनि आँगनमै छ । गाउँको दूध भेला पारेर त्यही डेरीमा घीउ र छुर्पी बनाइन्छ । यसका लागि धेरै कसरत पनि गर्नु परेन । घीउ र छुर्पी बनेपछि घरबाटै बिक्छ । ममता र उहाँका श्रीमान्को ५० गाईभैँसी पाल्ने सोच छ ।

आफ्नै बाँझो बारीमा घाँस लाएका छन् । आउँदै निजी नम्बरी जग्गा पनि अहिले सदुपयोग भएको छ । केही वर्षअघिसम्म चिल्ला पहाड लडेको ठाउँमा अहिले धुस, अम्रिसोलगायत घाँसजन्य वस्तु रोपिएको छ । यसैले घाँस खोज्न टाढा जानु पर्दैन । आफ्नै बारीको संरक्षण भएको छ भने गाईभैँसीलाई घाँस पनि । अहिले ममताको डेरी र फार्मबाट मासिक रु ५० हजार आम्दानी हुन्छ । यो रकम विगतमा गाई किन्दा डेरी र गोठ निर्माणमा लागेको खर्च तिर्दैमा सकिन्छ । गाईभैँसी पाल्ने जाँगर बढेपछि बैंककबाट रकम निकालेका छन् । यसको साँवाब्याज पनि तिरिसकिएको छैन । ममताका बारीमा अहिले अलैँची, अदुवालगायत खेती पनि कमै मात्र छ । गाईभैँसी पाल्न घाँस चाहिने भएपछि घरको घुरेनसम्म घाँसै रोपिएको छ । अहिले दम्पतीलाई नै यो पेशाबाट सन्तुष्टि छ । अहिले खासै फाइदा नभए पनि भविष्यमा केही हुन्छ भन्ने विचार छ । ममताले चारजनालाई काम पनि दिएकी छिन् । आफ्नो मात्र नभई यहाँबाट अरूको समेत परिवार पालिएको छ । पछिल्लो समय जिल्लाभर नै भैँसी दुर्लभरुपमा मात्र पालिन्छ । हैरानी हुने भएपछि भैँसीपालन घटेको छ । ममताको फार्ममा भने भैँसी नै भैँसी पालिएको छ । भैँसीको दूधमा चिल्लो पदार्थ गाईको भन्दा बढी हुने भएकाले भैँसी पालेको ममताको तर्क छ ।

धेरै गाईको दूधमा केही भैँसीको दूध मिसाउँदा दूधमा क्रिम राम्रो बस्ने बुझेपछि भैँसीपालन थालिएको हो । डेरी र फार्मको ऋण तिर्न ममतालाई केही समय लाग्छ । तर हिम्मत हारेकी छैनन् । यसैको आम्दानीले छोराछोरी पनि पढिरहेका छन् । निरन्तर काम गरिरहेकाले पनि होला व्यवसाय सहजजस्तो भएको छ ।

प्रतिक्रिया

सम्बन्धित समाचार

नेपालबहस ट्रेन्डिङ

लोकप्रिय

सिभिल बैंकको शेयरमा झुम्मिए लगानीकर्ता, साढे १७ लाख कित्ता शेयर खरिद माग सिभिल बैंकको शेयरमा झुम्मिए लगानीकर्ता, साढे १७ लाख कित्ता शेयर खरिद माग १२ घण्टा पहिले
मंगल ग्रहमा हेलिकप्टरको पहिलो टेस्ट फ्लाइट सफल मंगल ग्रहमा हेलिकप्टरको पहिलो टेस्ट फ्लाइट सफल २ घण्टा पहिले
महिला लघुवित्तको शेयरमूल्य १ सय १६ रुपैयाँले बढ्यो, प्रतिकित्ता मूल्य कति ? महिला लघुवित्तको शेयरमूल्य १ सय १६ रुपैयाँले बढ्यो, प्रतिकित्ता मूल्य कति ? ११ घण्टा पहिले
आईपीओ निष्कासनको लागि मध्यभोटेकोशी जलविद्युतलाई दियो धितोपत्र बोर्डले स्वीकृती आईपीओ निष्कासनको लागि मध्यभोटेकोशी जलविद्युतलाई दियो धितोपत्र बोर्डले स्वीकृती ११ घण्टा पहिले
कर्णालीमा संक्रमित व्यवस्थापनको जिम्मा सम्बन्धित पालिकालाई कर्णालीमा संक्रमित व्यवस्थापनको जिम्मा सम्बन्धित पालिकालाई १४ घण्टा पहिले
 आज चैते दशैं, शक्तिपीठहरुमा भीडभाड नगर्न सरकारको आदेश  आज चैते दशैं, शक्तिपीठहरुमा भीडभाड नगर्न सरकारको आदेश १७ घण्टा पहिले
अनिश्चितकालका लागि बन्द भयो सुवेदीको ‘रजतपट र ग्ल्यामर गफ’ अनिश्चितकालका लागि बन्द भयो सुवेदीको ‘रजतपट र ग्ल्यामर गफ’ ९ घण्टा पहिले
दश अर्बको एनआरएन नेपाल डेभलपमेन्ट फण्ड स्थापना दश अर्बको एनआरएन नेपाल डेभलपमेन्ट फण्ड स्थापना १० घण्टा पहिले