महालक्ष्मी विकास बैंक र नेपाल हाइड्रो डेभलपर्सको शेयरमूल्य समायोजन

३ चैत, काठमाडौं । नेप्सेले मंगलवार महालक्ष्मी विकास बैंक र नेपाल हाइड्रो डेपलपर्सको मूल्य समायोजन गरेकाे छ ।

नेप्सेले दुइ वटै कम्पनीकाे बोनस शेयरको मूल्य समायोजन गरेको हो ।

यी २ वटै कम्पनीले लाभांश तथा साधारण सभा प्रयोजनार्थ मंगलवार बुकक्लोज गरेसँगै नेप्सेले शेयरमूल्य समायोजन गरेको हो ।

नेपाल हाइड्रो डेभलपर्स

नेप्सेले नेपाल हाइड्रो डेभलपर्सको १५ प्रतिशत बोनस शेयरको समायोजन पछि शेयरमूल्य  ३२५ तोकेको छ । नेप्सेले अघिल्लो कारोबारको दिन अर्थात सोमवार कायम अन्तिम शेयरमूल्य ३७४ को आधारमा शेयरमूल्य समायोजन गरेको हो ।

कम्पनीको हाल कायम चुक्तापूँजी २६ करोडको आधारमा १५ प्रतिशत बोनस शेयर र कर प्रयोजनका लागि शून्य दशमलव ७९ प्रतिशत नगद लाभांश वितरण गर्ने प्रस्ताव गरेको हो ।

कम्पनीले प्रस्तावित लाभांश पारित गर्न चैत १७ गते १२औं, १३औं र १४ औं संयुक्त वार्षिक साधारण सभा बोलाएको छ ।

महालक्ष्मी विकास बैंक

नेप्सेले महालक्ष्मी विकास बैंकको ८ दशमलव ८० प्रतिशत बोनस शेयरको समायोजन पछि शेयरमूल्य २६९ तोकेको छ । कम्पनीको सोमवार २९३ मा अन्तिम कारोबार भएको थियो ।

कम्पनीले चैत १३ गते १९औं वार्षिक साधारण सभा बोलाएको छ । कम्पनीले यस वर्ष ८ दशमलव ८० प्रतिशत बोनस शेयर र कर प्रयोजनका लागि शून्य दशमलव ४६ प्रतिशत लाभांश प्रस्ताव गरेको छ ।