नबीन्द्रको उपचारका लागि सरकारले १० लाख दिने

६ चैत, काठमाडौं । मस्तिस्कघातबाट अचेत भई अस्वस्थ भएका नेपाली कांग्रेसका नेता नबीन्द्रराज जोशीको उपचारका लागि सरकारले १० लाख रुपियाँ दिने भएको छ ।

हिजो बसेको मन्त्रिपरिषद बैठकले यस्तो निर्णय गरेको मन्त्रिपरिषद सचिवालय स्रोतले जनाएको छ । गएको फागुन १४ गते राति अकस्मात विरामी भएका जोशी अहिलेसम्म अस्पतालमा रहेका छन् । उनको भेन्टिलेटरमा राखी उपचार भइरहेको छ ।

वीर अस्पतालमा प्रारम्भिक उपचारपछि लगत्तै उनलाई नर्भिक अस्पताल पु¥याइएको थियो । तत्कालै शल्यक्रिया गरेर उपचार गरिएको हो । हाल उनको स्वास्थ स्थिर रहेको अस्पतालले जनाएको छ ।