नबिल बैंक र नेपाल औषधि व्यवसायी संघबीच सम्झौता

६ चैत, काठमाडों । नबिल बैंक र नेपाल औषधि व्यवसायी संघबीच सम्झौता भएको हो । बैंकले औषधी व्यवसायीहरुको आवश्यकता अनुसार बैंकिङ सेवाहरुमा सहयोग गर्ने गरी उक्त सम्झौता गरेको हो ।

उक्त सम्झैतामा निरज कुमार बस्नेत (डनिल), प्रमुख एस.एम.ई. तथा लघुवित्त, नबिल बैंकका अध्यक्ष बद्री प्रसाद क्षेष्ठ र नेपाल औषधि व्यवसायी संघले स्ताक्षर गरेका छन् । सो सम्झौता नेपाल औषधि व्यवसायी संघ, काठमाण्डौं जिल्ला शाखाको आयोजनामा, काठमाण्डौं, ललितपुर र भक्तपुर जिल्ला भरको औषधिको थोक व्यवसायीहरुको बृहत भेला कार्यक्रममा भएको हो । उक्त कार्यक्रममा नेपाल औषधि व्यवसायी संघका प्रमुख भरत भट्टराई ज्युको उपस्थिती रहेको थियो ।

सोही कार्यक्रममा बोल्दै निरज कुमार बस्नेतले भने, “नबिल बैंक औषधि व्यवसायीहरुलाई वित्तिय पहुचमा बृद्घि तथा समग्र अर्थतन्त्रको विकास गर्नका लागी विभिन्न बैंकिङ्ग सुविधा र सेवाहरु उपलब्ध गराउन सधैं अग्रसर रहेको छ ।

हामी औषधि व्यवसायीहरु र बैंकको दिगो विकाशलाई ध्यानमा राख्दै औषधि व्यवसायमा वित्तिय लगानी गर्ने अग्रणी बैंक मध्ये एक हौं । हामीलाई आशा छ कि यो साझेदारीले औषधि व्यवसायीहरुको वित्तिय व्यवस्थापनमा हालको अन्तर पूर्ण गर्न मद्दत पु¥याउनेछ । साथै, नबिल बैंकले आपतकालिन सेवाहरुमा संलग्न औषधि व्यवसायीहरुसँग आबद्घ हुन पाएकोमा गौरवान्दित महसुस गर्दछ ।”

नबिल बैंकको बारेमा

बैंकले देशभरका ११९ वटा शाखा कार्यलयहरु, १८५ एटिएम र १५०० भन्दा धेरै नबिल रेमिट एजेन्टहरु सहित विभिन्न देश्मा रहेका एजेन्टको ब्रिहत सन्जाल मार्फत निरन्तर गुनस्तरिय सेवा प्रवाह गरिरहेको छ.।