काठमाडौंका ७५ वर्षीय वृद्धमा कोरोना पुष्टि

१० चैत, काठमाडौं । काठमाडौंका ७५ वर्षीय वृद्धमा कोरोना संक्रमणको पुष्टि भएको छ । कोरोनाविरुद्धको खोप लगाएका काठमाडौंका ७५ वर्षीय वृद्धमा कोरोना संक्रमण पुष्टि भएको हो ।

टेकु अस्पतालका अनुसार उनले फागुन २३ गते खोप लगाएका थिए । संक्रमित वृद्ध पुरुषमा निमोनियासमेत देखिएको छ । खोप लगाएपछि इम्युनिटी विकास हुन एक महिना लाग्ने अस्पतालका निर्देशक सागरराज भण्डारीले बताए ।

उनले भने, खोप लगाएर जनस्वास्थ्यमा मापदण्ड पालना नगर्नेहरूमा पनि संक्रमण हुन सक्छ । सोमबार टेकु अस्पतालमा कोरोना परीक्षण गर्दा वृद्ध पुरुषमा कोरोना पुष्टि भएको हो ।