केपी ओली एमाले होइनन्ः नेपाल

१० चैत, काठमाडौं । नेकपा एमालेका वरिष्ठ नेता माधवकुमार नेपालले केपी ओलीले पार्टी भत्काएको भन्दै एमाले छाडेर जान चेतावनी दिएका छन् । आफू निकट विद्यार्थीले आयोजना गरेको भेलालाई सम्बाेधन गर्दै नेता नेपालले भने ओली असली एमाले हैनन्, उनी बीमाले सीमाले होलान् ,तर एमाले होइनन् ।

ओलीको दादागिरी असैह्य रहेको भन्दै नेता नेपालले ओलीलाई एमाले छाडेर जान सल्लाह दिएका छन् । नेकपमा एमाले हाम्रो पार्टी हो , ओलीको होइन, छाडेर गए हुन्छ – उनले भने । ओलीको जालझेलले पार्टीका असली हकदार अधिकारबाट बञ्चित हुन नसक्ने उनको भनाई छ । ओली बिनाको एमालेले कम्युनिष्ट आन्दोलनलाई नयाँ शीराबाट गोलबद्ध गर्न सक्ने उनको तर्क छ ।

ओलीले आन्दोलन छिन्नभिन्न बनाउन खोजे पनि आफूहरु एकताको पक्षमा भएकाले भइछाड्ने दाबी गरे । ओलीबाट पीडितहरुलाई एकतावद्ध गरेर कम्युनिष्ट आन्दोलनको धुकधुकी बचाउने काम आफहरुले गरेको उनको तर्क छ । उनले ओली प्रवृत्तिसँग कुनै हालतमा सम्झौता नगर्ने र पार्टी विभाजन हुनसमेत नदिने प्रण गरे ।