नेपालमा पछिल्लो २४ घण्टामा थपिए १८८ जना संक्रमित

१० चैत,काठमाडौं । नेपालमा पछिल्लो २४ घण्टामा १ सय ८८ जनामा कोरोना भाइरसको संक्रमण पुष्टि भएको छ । स्वास्थ्य मन्त्रालयका अनुसार योसहित नेपालमा कोरोना संक्रमितको संख्या दुई लाख ७६ हजार २४४ पुगेको हाे ।

मन्त्रालय दिएकाे जानकारी अनुसार पछिल्लो २४ घन्टामा ४०३२ मा पीसीआर परीक्षण गर्दा  १८८ जनामा कोरोना संक्रमण पुष्टि भएकाे छ ।  यस्तै, पछिल्लो २४ घन्टामा ७७ जना निको भएर फर्किएका छन्।

नेपालमा हरेक दिन १ सयभन्दा कम संक्रमित फेला पर्न थालेका थिए । तर, दुई दिन यता संक्रमितको संख्यामा बृद्धि भइरहेको मन्त्रालयले जनाएकाे छ । हिजाे सोमबार पनि १५० जनामा संक्रमण पुष्टि भएको थियो ।

नेपालमा पुन:कोरोना संक्रमण बढ्न थालेपछि सरकारले सिमा नाकामा उच्च सर्तकताका साथ कडाइ थालेका छ । मन्त्रालयले सोमबार एक विज्ञप्ति जारी गर्दै संक्रमण बढ्न थालेपछि सभा र गोष्ठी नगर्न पनि अनुरोध गरेको छ ।