बुहारीलाई मट्टीतेल छर्की आगो लगाई फरार भएका अभियुक्त पक्राउ

१० चैत, बाँके । बाँके प्रहरीले आफ्नै २३ वर्षीया बुहारीलाई मट्टीतेल छर्की आगो लगाई फरार भएका अभियुक्तलाई नियन्त्रणमा लिएको छ । जिल्लाको नरैनापुर गाउँपालिका २ बस्ने ७५ वर्षीय हनिफ शेष ढपालीलाई सोमबार प्रहरीले नियन्त्रणमा लिएको हो ।

दाईजोको निहुँमा २०७० चैत २ गते बुहारीलाई मट्टीतेल छर्कि आगो लगाई ज्यान मार्ने उद्योग गरेको मुद्दामा फरार रहेका उनलाई ईलाका प्रहरी कार्यालय भगवानपुर बाँकेबाट खटिएको प्रहरीले सोही गाउँपालिका-१ सुईयामा लुकिछिपी बसेको अवस्थामा फेला पारी पक्राउ गरेको हो ।

हाल फरार रहेका पीडितका श्रीमान् र सासुको खोजी गर्नुको साथै यस सम्बन्धमा थप अनुसन्धान भइरहेको जिल्ला प्रहरी कर्यालय बाँकेले जनाएको छ ।