विश्वासको मत नपाएसम्म संसदलाई कामविहीन बनाउने रणनीतिमा प्रधानमन्त्री ओली

११ चैत, काठमाडौं । मंगलबार प्रतिनिधिसभाको बैठक बसेपछि अर्को बैठक ७ दिनपछि मात्र बोलाइएको छ । सरकारले सदनलाई काम नदिदा बैठक एकहप्तासम्का लागि स्थगन हुन पुगेको हो  । सदन कामविहीन हुँदा  पुनःस्थापना भएको पाँचौं बैठक बसिसक्दा पनि प्रतिनिधिसभाका बैठकहरु प्रभावकारी रूपमा चल्न सकेको छैन । नत कार्य ब्यवस्था परामर्श समितिले प्रभावकरी कार्य सम्पादन गर्न सकेको छ ।

मंगलबारको वैठकमा भने प्रधानमन्त्री केपी शर्मा ओली उनी नेतृत्व सरकार संसदप्रति उत्तरदायी नबनेको र सर्वोच्च अदालतबाट पुनःस्थापित प्रतिनिधिसभा प्रभावकारी रूपमा सञ्चालन गर्नभन्दा पनि त्यसलाई कसरी हुन्छ काम नलाग्नेभएको पुष्टि गर्न लागेको भन्दै संदनमा प्रधानमन्त्री ओलीको चर्को आलोचना गरे ।  तर पनि सांसदको कुरा सुन्ने र संसदाई काम दिने मनस्थितिमा सरकार छैन ।

त्यसो त यसबीचमा संसदलाई काम दिन र प्रभावकारी ढंगबाट संचालन गर्ने बातवरण सृजना गर्न सभामुख अग्नी प्रसाद सापकोटाले प्रधामन्त्री ओलीसँग भेटको समय मागेपनि ओली सभामुखसँग भेट गर्न चाहिरहेका छैनन् । सभामुख सापकोटा सरकारको झगडिया भएको आरोप प्रधामन्त्रीले लगाउँदै आएका छन् ।

आफूप्रति व्यवहारिक रूपमै संसद्को विश्वास रहेको पुष्टि नहुन्जेलसम्म विघटनको कदम सही थियो भन्ने पुष्टिका लागि प्रतिनिधिसभालाई कामविहीन बनाउने रणनीतिमा प्रधानमन्त्री रहेका कारण अहिलेको अवस्था आएको राजनीतिक विश्लेषकहरु बताउछन् ।

त्यसैको प्रयाससरुप उनि दैनिक जसो जनता समाजबादी दलसँगको संवादमा रहेका छन् । उनले जसपाबाट सरकारलाई समर्थन पाए प्रतिनिधिसभामा विश्वासको मत लिने र नपाए प्रतिनिधि सभाको पाँचौ अधिवेशन अन्त्य गर्ने तयारीमा रहेका छन् ।