संक्रमणको एक वर्षः करीव तीन लाख संक्रमित, तीन हजार बढीको मृत्यु !  

११ चैत, काठमाडौं । नेपालमा काेराेना भाइरस संक्रमणको देखिएपछि कोभिड १९ को जोखिम कम गर्न करीव ६ महिना लामो बन्दाबन्दी गरियो ।  कोभिड १९ को जोखिम कम गर्न बन्दी घोषणा गरिएको १ वर्ष पुरा भएको छ । गएको एक वर्षमा नेपालमा कोभिड सक्रमणका कारण तीन हजार उन्नाइस जनाले ज्यान गुमाए भने करीव तीन लाखमा संक्रमण पुष्ठी भयो ।

कोभिडको तथ्याङ्क संकलन गर्दै आएको  वल्डोमिटरको पछिल्लो तथ्याङ् अनुशार नेपालमा गएको एक बर्षमा २२ लाख जनामा कोभिड परिक्षण गरियो जस मध्ये २ लाख ७६ हजार जनामा कोभिड १९ को संक्रमण पुष्ठी भयो ।

त्यस्तै कोभिड संक्रमणका कारण ३ हजार १९ जनाले ज्यान गुमाएका छन् । सक्रमित मध्ये २ लाख ७२ जनाले पुन: स्वास्थ्य लाभ गरेका छन् । हाल  १ हजार १ सय २८ सक्रिय सक्रमित  रहेका छन् । त्यसै विश्वमा कोभिड १९ को सक्रमण देखा परेपछि १२ करोड बढीमा यो रोगको संक्रमण देखियो भने ति मध्ये २७ लाख ४६ हजार ३ सय ११ को जनाले कोभिड- १९ का कारण ज्यान गुमाए ।

कोभिड सक्रमणका कारण सवैभन्दा बढी अमेरिकामा ५ लाख ५६ हजार ८ सय २३ जनाको मृत्यु भयो त्यसपछि ब्रजिलमा करीव ३ लाख र भारतमा १ लखा ६० हजार बढीले ज्यान गुमाएको वल्डो मिटरले उल्लेख गरेको छ ।