नेशनल हाईड्रोपावरले साधारण सभाका लागि भोलिदेखि बुक क्लोज गर्ने

१२ चैत, काठमाडौं । नेशनल हाइड्रोपावर कम्पनीले साधारण सभा प्रयोजनको लागि चैत १३ गतेदेखि २७ गतेसम्म बुक क्लोज गर्ने भएको छ ।

कम्पनीले चैत २७ गते हुने साधारण सभाको लागि बुक क्लोज गरेको बताएको छ । बुधवारसम्म कायम शेयरधनीले साधारण सभामा भाग लिन सक्नेछन् । कम्पनीले सभा डेलिश ओपेरा रेष्ट्रो एण्ड ब्याक्वेंट बालुवाटार, काठमामाडौं गर्नेछ ।

सभाले आव २०७६/७७ को वार्षिक प्रतिवेदन छलफल गरी पारित गर्ने र आव २०७७/७८ को लागि लेखापरिक्षकको नियुक्ती गर्ने र निजको पारिश्रमिक निर्धारण गर्ने प्रस्ताव पनि पारित गर्नेछ ।

साथै सभाको विशेष प्रस्तावमा लोअर इर्खुवा हाइड्रोपावर कम्पनी लिमिटेड आयोजना निर्माण गर्न लिएको ऋणमा कर्पोरेट ग्यारेण्टी दिने सम्बन्धमा गत फागुन २ गते सञ्चालक समितिको बैठकले गरेको निर्णय अनुमोदन गर्ने सम्वन्धि प्रस्ताव पनि पारित गर्ने रहेको छ ।

यसैगरी उक्त हाइड्रोपावर कम्पनीमा अन्य हाइड्रो कम्पनीलाई मर्जर तथा एक्विजिशनमा लिने सम्वन्धि आवश्यक निर्णय गर्न सञ्चालक समितिलाई अख्तियारी दिने प्रस्ताव पनि सभाले पारित गर्नेछ ।