को बन्ला दिल्लीको नयाँ कप्तान, यी हुन् दाबेदार खेलाडी

१३ चैत, काठमाडौं । आज आईपीएल २०२१ का लागि दिल्ली क्यापिटल्सको नयाँ कप्तान चयन हुने भएको छ ।

दिल्लीका कप्तान श्रेयस अय्यरले चोटका कारण आईपीएल गुमाउने भएपछि दिल्लीले नयाँ कप्तान चयन गर्न लागेको हो ।

भारतीय सञ्चारमाध्यमका अनुसार दिल्ली क्यापिटल्सले कप्तान चयनका लागि आज बैठकसमेत बोलाएको छ ।

श्रेयसको अनुपस्थितिमा दिल्लीको कप्तान बन्न सक्ने सूचीको शीर्ष स्थानमा ऋषभ पन्तको नाम चर्चामा छ ।

पन्तले दिल्लीका लागि हरेक सिजनमा उत्कृष्ट प्रदर्शन गर्दै आएका छन् । उनी टिमका उपकप्तान पनि हुन् । जसकारण पनि कप्तान बन्ने पन्तको सम्भावना बढी छ ।

यद्यपि, कप्तानको चर्चामा रविचन्द्रन आश्विन, शिखर धवन पनि छ । यीमध्ये दोस्रो रोजाईमा आश्विन र धवन परेका छन् ।

आश्विन र शिखरले यसअघि पनि आईपीएलमा टिम कप्तानको भूमिका निर्वाह गरिसकेका छन् । शिखरले सनराइजर्स हैदराद र आश्विन पञ्जाबको टिमको कप्तानी गरिसकेका छन् ।

दिल्लीका नियमित कप्तान अय्यर इंग्ल्याण्डसँगको वानडे सिरिजको पहिलो खेलमा फिल्डिङका क्रममा घाइते भएका थिए । उनको नेतृत्वमा दिल्लीले राम्रो नतिजा दिइरहेको छ ।

गत सिजनको आईपीएलमा अय्यरको कप्तानीमा दिल्ली पहिलो पटक फाइनलमा पुगेको थियो । यद्यपि फाइनलमा भने मुम्बईविरुद्ध दिल्ली ५ विकेटले पराजित हुन पुगेको थियो ।