सरकारले नै सिंहदरबार र सडक कब्जा गरेपछि अब सर्वसाधारण कहाँ जाने ?

१४ चैत, काठमाडौं । नेपाली कांग्रेसका प्रभावशाली नेता डा. शेखर कोइरालाले स्वयं देशका बहारवाला मन्त्री नै सरकारसँग माग राखेर आन्दोलनकारीसँगै सडकमै धर्ना बस्नुले हामीले कस्तो लोकतन्त्रको अभ्यास गरिरहेका छौं भन्ने प्रश्न गरेका छन् ।

यस्तो कार्यले लोकतन्त्रकै उपहास भएको कोइरालाले बताएका छन् । उनले लोकतन्त्रको उपहासको यो भन्दा अर्को अनुपम उदाहरण कहाँ पाईएला खै भनेर प्रश्न समेत गरेका छन् । देशमा लोकतन्त्रको सहि उपयोग हुन नसकेकोमा डा. शेखरले चिन्तासमेत व्यक्त गरेका छन् ।

नेपाली कांग्रेसका नेता तथा भावी सभापतिका दाबेदार कोइरालाले शनिबार आफ्नो फेसबुकमा स्टाटस लेख्दै स्वयं सरकारले नै सिंहदरबार र सडक दुबै कब्जा गरेर माग राखेपछि अब ति मागहरु कस्ले पुरा गर्ने होला ? भन्दै प्रश्न उठाएका छन् ।

कोइरालाले लेखेका छन्  : सरकारले नै सिंहदरबार र सडक कब्जा गरेपछि अब सर्वसाधारण कहाँ जाने ? मन्त्री नै माग राखेर सडकमा धर्ना कसेपछि ति माग कस्ले पुरा गर्ने होला ? लोकतन्त्रको उपहासँसको यो भन्दा अर्को अनुपम उदाहरण कहाँ पाईएला खै ?