चाडपर्वहरु हर्षोल्लासका साथ मनाउन पाउन नै लोकतन्त्रको अनुपम उदाहरण : डा.कोइराला

१५ चैत, काठमाडौं । नेपाली कांग्रेसका प्रभावशाली नेता डा. शेखर कोइरालाले हिमाल-पहाड र तराई-मधेश जोडने एकमात्र सेतु होली पर्वको उपलक्षमा देश बिदेशमा रहेका सम्पुर्ण नेपाली दाजुभाई दिदीबहिनीहरुमा होली पर्वको शुभकामना ब्यक्त गरेका छन् ।

असत्य माथि सधैं सत्यको जित हुन्छ भन्ने कुराको विश्वासका साथ असत्य माथि सत्यको बिजयको रुपमा मनाईने होली पर्वले नेपाली नागरिकमा भावनात्मक तथा धार्मिक एकता कायम गराईरहेको कुरामा सबै नेपालीले आफ्ना आफ्ना चाडपर्वहरु हर्षोल्लासका साथ मनाउन पाउन नै लोकतन्त्रको अनुपम उदाहरण भएकाे बताएका छन् । सामाजिक परम्परासहित पुरातन धार्मिक संस्कारहरुको जगेर्ना गर्न सके मात्रै भावी पिढीले यसलाई अनुशरण गर्ने र निरन्तरता दिदैं जाने उनकाे भनाइ छ ।

रङ्ग आफैमा शुभसंकेतको प्रतिक भएकोतर्फ ईंगित गर्दै नेता डा. कोइरालाले रङ्गहरुको पर्व होलीलाई आपसी भाईचारा र मित्रता र एकताको प्रतिकको रुपमा अत्यन्तै भद्र र शालिनताका साथ सबैमा खुशीयाली साटासाट गरेर मनाउन समेत आग्रह गरेका छन् । मुलुकमा अहिले पनि कोडिभको जोखिम कायमै रहेकोतर्फ ईगित गर्दै नेता डा. कोइरालाले होली पर्व मनाउँदा सामाजिक दुरी कायम गर्दै आवश्यक स्वास्थ्य सतर्कता र स्वास्थ्य सम्वन्धि बिषयमा साबधानी अपनाउँदै हर्षोल्लासका साथ मनाउन सबैमा आग्रह गरेका छन् ।

आफ्नाे फेसबुक पेजमा होली पर्वको शुभकामना दिदै नेपाली कांग्रेसका अत्यन्तै प्रिय नेता डा. शेखर कोइरालाले शुभकामना सन्देशमा भनेका छन, “असत्य माथि सत्यको बिजय भएको पर्व, रङ्गहरुको पर्व होलीको अवसरमा सबैमा शुभकामना ब्यक्त गर्दछु । अहिले पनि कोभिडको जोखिम कायमै रहेकोले सामाजिक दूरी कायम गर्दै स्वास्थ्य सतर्कताका साथ पर्व मनाउन आग्रह समेत गर्दछु ।”