ललिता निवास प्रकरणमा पूर्वप्रधानमन्त्रीद्वय नेपाल र भट्टराई विरुद्धको मुद्दामा सुनुवाई हुँदै

१६ चैत, काठमाडौं । बालुवाटारको ललिता निवासको जग्गा प्रकरणमा पूर्वप्रधानमन्त्रीहरु माधव कुमार नेपाल र बाबुराम भट्टराई विरुद्ध मुद्दामा आज सुनुवाइ हुने भएको छ । न्यायाधीश अनिलकुमार सिन्हा र हरि फुयालको इजलासमा आजका लागि मुद्दाको पेशी राखिएको छ ।

बालुवाटारको सरकारी जग्गा व्यक्तिको नाममा गरेको प्रकरणमा अख्तियार दुरुपयोग अनुसन्धान आयोगले तत्कालीन चार तीन भुमिसुधार मन्त्रीहरुसहितलाई मुद्दा चलाएको थियो ।

तर, मन्त्रिपरिषदको निर्णयबाट जग्गा व्यक्तिको नाममा लगिएको भन्दै वरिष्ठ अधिवक्ता बालकृष्ण न्यौपानेले मन्त्रिपरिषदको निर्णयमा प्रधानमन्त्रीलाई उन्मुक्ति दिन नमिल्ने जिकिर गर्दै रिट दायर गरेका थिए । यस अघि रिटमाथिको सुनुवाई पटक पटक स्थगित हुँदै आएको थियो ।