नेप्सेमा यी दुई लघुवित्त कम्पनीको शेयरमूल्य समायोजन

१९ चैत, काठमाडौं । नेप्सेमा विभिन्न २ वटा कम्पनीको शेयरमूल्य समायोजन भएको छ । सूर्योदय लघुवित्त वित्तीय संस्था लिमिटेड र सारथी नेपाल लघुवित्त वित्तीय संस्था लिमिटेडको बोनस शेयरमा मूल्य समायोजन गरिएको हो ।

सूर्योदय लघुवित्त वित्तीय संस्था लिमिटेडको १५.३५ प्रतिशत बोनस शेयर पछि नेप्सेले प्रतिकित्ता एक हजार ९ सय ६० रूपैयाँ कायम हुने गरी शेयरमूल्य समायोजन गरेको हो । नेप्सेले बुधबारको अन्तिम कारोबार मूल्य २ हजार २ सय ६१ रुपैयाँका आधारमा मूल्य समायोजन गरेको हो ।

त्यसैगरी, सारथी नेपाल लघुवित्त वित्तीय संस्था लिमिटेडको ८.१३ प्रतिशत बोनस शेयर पछि नेप्सेले प्रतिकित्ता एक हजार ५ सय ९६ रूपैयाँ कायम हुने गरी शेयरमूल्य समायोजन गरेको हो । नेप्सेले बुधबारको अन्तिम कारोबार मूल्य एक हजार ७ सय २६ रुपैयाँका आधारमा मूल्य समायोजन गरेको हो ।