छोरीलाई जिस्काएको कारण हत्या युवकको विभत्स हत्या, दुई जना पक्राउ

१९ चैत, सर्लाही । सर्लाहीमा छोरीलाई जिस्काएको निहुँमा एक युवकको विभत्स हत्या भएकाे छ । घटना  गत बिहीबार बिहान साढे ८ बजे सर्लाहीमा एक युवकको टाउको नै काटिएको अवस्थामा  जिल्लाकै मलंगवा नगरपालिका-९ पचगछिया चौरीस्थित नागेश्वर रायको खेतमा शव फेला परेको हो। टाउको नभएकाे अवस्थामा भेटिएकाे शव मलंगवा-१० का २५ वर्षीय सुशीलकुमार यादवकाे भएकाे प्रहरीले जनाएकाे छ ।

घटनासम्बन्धी अनुसन्धान गरेपछि प्रहरीले सोही दिन दुई जनालाई पक्राउ गर्‍यो। पक्राउ पर्नेमा मलंगवा-१० कै ४५ वर्षीय विमलकान्त पाठक र भारत बिहारस्थित सीतामढीका ४१ वर्षीय अशोक झा थिए। अशोक झा विमलकान्तका भान्जा हुन्।

अनुसन्धानमा खटिएका एक प्रहरी अधिकृतका अनुसार सुशीलकुमारले विमलकान्तकी छोरीलाई जिस्काएको कारण हत्या गरेको प्रहरीसमक्ष बयान दिएका छन्।

सुशीलकुमारको हत्या गरेपछि उनीहरूले आफूमाथि शंका नगरोस् भनेर नियमित काममै लागे। शव भेटिएपछि आफ्नो नियमित काममा जाँदै गरेका उनीहरूलाई मालपोत कार्यालयबाट प्रहरीले पक्राउ गरेको जिल्ला प्रहरी कार्यालयले जनाएको छ। थप अनुसन्धान गर्न प्रहरीले जिल्ला अदालत सर्लाहीबाट उनीहरूलाई सात दिन हिरासतमा राखेर अनुसन्धान गर्न अनुमति लिएको छ। ‍