ओलीको गुट राज्यदोहनमा लागेको गिरोह भएको घनश्यामकाे आरोप

१९ चैत, काठमाडौं । का उपमहासचिव घनश्याम भुसालले प्रधानमन्त्री तथा पार्टी अध्यक्ष केपी ओलीविरुद्ध आक्रोश पोखेका छन् । ओलीले आज बिहीबार पार्टी साधारण सदस्यबाट ६ महिना निलम्बन गरेपछि भुसालले अध्यक्ष एवं प्रधानमन्त्री ओलीलाई सत्ताभोगको तृष्णाले आफू र आफ्नो बाहेक केही नदेख्ने बनाएको बताएका हुन् ।

उनले ओलीको गुट राज्यदोहनमा लागेको गिरोह भएको आरोप लगाएका हुन् । पार्टीले सोधेको स्पष्टिकरण चित्तबुझ्दो नभएको भन्दै बिहीबार अध्यक्ष ओलीले भुसाललाई ६ महिनाका लागि पार्टी सदस्यबाट निलम्बित गरेका छन् । भुसालले ओलीबारे सामाजिक सञ्जाल फेसबुकमा लेखका छन्, ‘‘म बस्न नपाउने कुर्ची भाँची दिन्छु’, यो उनी आफैले कबुल गरेको जीवन दर्शन हो ।”

प्रधानमन्त्री ओलीले लोकतन्त्रको हुर्मत लिएको र त्यो अपूरणीय रहेको भुसालको दाबी छ । ‘उनका लागि संसारमा या त चाकर छन् या शत्रु । उनले हाम्रो पार्टीको गौरवको चीरहरण गर्दैछन्, हामीले सामना गरौँला गर्नेछौँ । तर यिनले लोकतन्त्रको जुन हुर्मत लिएका छन् त्यो अपूरणीय छ,’ उनले लेखेका छन् ।