अदालतको आदेश राजनीतिक कदमकै निरन्तरताको अर्को कडी : श्रेष्ठ

१९ चैत, काठमाडौं । माओवादी केन्द्रका प्रवक्ता नारायणकाजी श्रेष्ठले नेकपा खारेजीको फैसला पुनरावलोकन नगर्ने भनी सर्वोच्च अदालतले आदेश गरेको भन्दै आपत्ति जनाएका छन् ।

अदालतले आज गरेको निर्णय पहिलेको आदेश झैं राजनीतिक कदमकै निरन्तरताको अर्को कडी भएकाे उनकाे भनाइ छ । यो गलत निर्णयप्रति हाम्रो तीव्र असहमति छ । अदालतले देशको समग्र परिवर्तन र राजनीतिलाई गलत दिशामा धकेल्न खाेजेकाे प्रवक्ता श्रेष्ठकाे दावी छ ।

ओली नेतृत्वको सरकार ढाल्न माओवादी केन्द्रले प्रमुख विपक्षी दल नेपाली कांग्रेस र जनता समाजवादी पार्टीसँग निरन्तर छलफल गरिरहेको छ । माओवादी केन्द्रले भोलि शुक्रबार बस्ने कांग्रेसको केन्द्रीय समितिको बैठकको निर्णय कुरेपछि थप निर्णय गर्ने बताएको छ ।

सर्वोच्च अदालतले २०७७।११।२३ मा हाम्रो पार्टीको सम्बन्धमा गरेको आदेशको पुनरावलोकन नगर्ने भनी आज गरेको निर्णय पहिलेको आदेश झैं राजनीतिक कदमकै निरन्तरताको अर्को कडी हो।यो गलत निर्णयप्रति हाम्रो तिब्र असहमति छ।अदालतले देशको समग्र परिवर्तन र राजनीतिलाई गलत दिशामा धकेल्न खोज्दैछ।जागौं।

— NKShresthaPrakash (@nksthaprakash) April 1, 2021