कीर्तिपुरमा पौडी खेल्दा डुबेर दुई बालकको मृत्यु

२० चैत,काठमाडौं । काठमाडौंको कीर्तिपुरमा पौडी खेल्दा डुबेर दुई बालकको मृत्यु भएको छ । मृत्यु हुनेमा ८ बर्षीय कृष मगर र ११ बर्षीय प्रशान्त सुनुवार रहेका छन ।

कीर्तिपुर नगरपालिका–६ टौदहस्थित पोखरीमा बिहिबार चारजनासँगै पौडी खेल्न गएका मध्ये दुईजना पोखरीबाट निस्कने क्रममा चिप्लेर डुबेका हुन् । सिंचाईका लागि बनाएको पोखरीमा बालकहरु पौडी खेल्न गएका थिए ।

नेपाल प्रहरीको बिपद् ब्यवस्थापनको उद्दार टोलीले उनीहरुको शव १५ फिट गहिरो पोखरीबाट निकालेको थियो । उनीहरुको शव पोष्टमार्टमका लागि त्रिवि शिक्षण अस्पतालमा पठाइएको प्रहरीले बताएको छ ।