एमाले प्रवेश गरेसंगै व्यवसायी प्रधानलाई एयरलाइन्सको सञ्चालक उपहार

२४ चैत, काठमाडौं । केहि दिन अगाडि मात्र एमाले पार्टीमा प्रवेश गरेका व्यवसायी किशोर प्रधान नेपाल एयरलाइन्सको सञ्चालकमा नियुक्त भएका छन् । पार्टी प्रवेश गरेको १८ दिनमै सरकारले प्रधानलाई नियुक्ति उपहार दिएको हो ।

मंगलबार संस्कृति, पर्यटन तथा नागरिक उड्डयनमन्त्री भानुभक्त ढकालले व्यवसायी किशोरकुमार प्रधानलाई नेपाल वायुसेवा निगमको सञ्चालकमा नियुक्त गरेको मन्त्री ढकालको सचिवालयले बताएको छ ।

नेपाल वायुसेवा निगम ऐन २०१९ को परिच्छेद २ को दफा ४ को उपदफा १ बमोजिम उनलाई निगमको सञ्चालकमा नियुक्त गरिएको सचिवालयले जानकारी गराएको छ । उनको कार्यकाल ४ वर्षको हुनेछ । नेपाल उद्योग वाणिज्य महासंघका पूर्व उपाध्यक्ष चैत ६ मा एमाले प्रवेश गरेका थिए ।