शुक्रबार , बैसाख १०, २०७८

७ जिल्लाका २३ स्थानबाट भोली कोभीड–१९ विरुद्धको चीनियाँ खोप लगाउने तयारी

७ जिल्लाका २३ स्थानबाट भोली कोभीड–१९ विरुद्धको चीनियाँ खोप लगाउने तयारी

२४ चैत, काठमाडौं । चीन सरकारले अनुदानमा दिएको कोभीड–१९ विरुद्धको ‘भेरोसेल खोप’ भोलिदेखि लगाउने तयारी पुरा भएको छ ।२३ वटा खोप केन्द्रबाट दिन लागिएको उक्त खोप पहिलो चरणमा १८ देखि ५९ वर्ष उमेर समूहका प्राध्यापक, चीनमा छात्रवृत्तिमा अध्ययन गर्ने नेपाली विद्यार्थी र नेपाली व्यापारीलाई लगाइने स्वास्थ्य तथा जनसंख्या मन्त्रालयले जानकारी दिएको छ ।

मन्त्रालयले यसअघि खोप लगाउन छुटेका अग्रपंक्तिमा खटिने जनशक्ति, अत्यावश्यक सेवामा काम गर्ने कर्मचारी, होटल, ट्रेकिङ, विज्ञापन, इन्टरनेट, औषधि, फलफुल र तरकारी व्यवसाय गर्ने व्यक्तिहरुलाई पनि खोप दिइने जनाएको छ ।

Kumari Bank 300x290 new
Global IME Bank new
Nepal Life Insurance

शुक्रराज ट्रपिकल तथा सरुवा रोग अस्पताल, टेकु, परोपकार प्रसूतिगृह तथा स्त्रीरोग अस्पताल, थापाथली, निजामती कर्मचारी अस्पताल, मिनभवन, चिकित्सा विज्ञान राष्ट्रिय प्रतिष्ठान वीर अस्पताल, राष्ट्रिय आयुर्वेद तथा अनुसन्धान तालिम केन्द्र, कीर्तिपुर, त्रिवि शिक्षण अस्पताल, महाराजगञ्ज, काठमाडौँ मेडिकल कलेज, सिनामंगल, नेपाल मेडिकल कलेज, अत्तरखेल, शहीद गंगालाल राष्ट्रिय हृदय केन्द्र, बाँसबारी, वीरेन्द्र अस्पताल छाउनी, एपीएफ अस्पताल, बलम्बु, नेपाल प्रहरी अस्पताल, पानीपोखरी, ओम अस्पताल रिसर्च सेन्टर, चावहिल, क्षेत्रपाटी निःशुल्क चिकित्सालय, क्षेत्रपाटीसहित काठमाडौंको १४ स्थानमा खोप कार्यक्रम संचालन हुने छ ।

भक्तपुर अस्पताल, भक्तपुर, नेपाल कोरिया मैत्री अस्पताल, ठिमी गरी भक्तपुरका दुई स्थानमा खोप संचालन हुने छ । ललितपुरको पाटन स्वास्थ्य विज्ञान प्रतिष्ठान, किष्ट मेडिकल कलेज र आनन्दवन अस्पतालमा खोप कार्यक्रम संचालन गर्ने तयारी पुरा भएको छ ।

त्यस्तै जिल्ला अस्पताल रसुवा, धुलिखेल अस्पताल, काभ्रे, त्रिशुली अस्पताल, नुवाकोट, र बाह्रबिसे अस्पताल, सिन्धुपाल्चोकमा भेरोसेल खोप भोलिदेखि लगाउने तयारी पुरा भएको जानकारी दिइएकाे छ । काठमाडौं, ललितपुर, भक्तपुर, काभ्रे, सिन्धुपाल्चोक, नुवाकोट र रसुवा जिल्लाका २३ स्थानमा खोप अभियान सञ्चालन हुने मन्त्रालयले जनाएको छ ।

प्रतिक्रिया

सम्बन्धित समाचार

नेपालबहस ट्रेन्डिङ

लोकप्रिय