शुक्रबार , बैसाख १०, २०७८

आज पनि बागमती प्रदेशसभा बैठक अवरुद्ध

आज पनि बागमती प्रदेशसभा बैठक अवरुद्ध

२५ चैत, मकवानपुर । बागमती प्रदेशको बुधबार बसेको प्रदेशसभा बैठक अवरुद्ध भएको छ । मंगलबार बसेको प्रदेशसभा बैठक पनि अवरुद्ध भएको थियो । बैठक प्रमुख प्रतिपक्ष दल नेकपा माओवादी केन्द्रले गर्दै आईरहेको छ ।

आजको बैठकमा मुख्यमन्त्रीविरुद्ध दर्ता भएको अविश्वासको प्रस्ताव गर्ने प्रस्तावक अरुणकुमार नेपाल उपस्थित भएका थिएनन् । त्यसैगरी उक्त प्रस्तावको समर्थकको सहमतिबिनै सत्तारुढ दलका सदस्य कृष्णप्रसाद भूर्तेलले अविश्वास प्रस्ताव फिर्ता लिने सम्बन्धी प्रस्ताव बैठकमा पेश गरेका थिए ।

Kumari Bank 300x290 new
Global IME Bank new
Nepal Life Insurance

प्रस्ताव पेश गरेलगत्तै माओवादी संसदीय दलका नेता शालिकराम जम्मकट्टेले सो प्रस्तावमाथि बैठकमा छलफल नगराइयोस् भनि बारम्बार माग गरेका थिए भने त्यहि क्रममा माओवादीले बैठक अवरुद्ध गरेको थियो ।

अवरोधकै कारण प्रदेशसभा प्रमुख सचिव कृष्णहरि खड्काले आजको प्रदेशसभा बैठक स्थगित गरिएको जानकारी गराएका थिए । उनका अनुसार प्रदेशसभाको अर्को बैठक भोलि दिनको ११ बजेको लागि तय भएको छ ।

प्रतिक्रिया

सम्बन्धित समाचार

नेपालबहस ट्रेन्डिङ

लोकप्रिय