राजस्व छली गर्ने विरुद्ध राजस्व विभागद्धारा मुद्दा दायर

२६ चैत,काठमाडौं । पर्साका प्रवीन्द्र शाह गोढविरुद्ध नक्कली मूल्य अभिवृद्धि कर बिल प्रयोग गरेर राजस्व छली गरेको आरोपमा मुद्दा दायर भएको छ । पाटन उच्च अदालतमा राजस्व अनुसन्धान विभागले उनलाई ५ करोड २९ लाख रुपैयाँ बिगो असुली गरी जरिवाना र कैद माग दावीसहित मुद्दा दायर गरेको हो ।

उनले लामो समयदेखि मालवस्तु खरिद तथा आयात नगरी झुट्टा खरिद देखाई विभिन्न फर्महरुलाई बिल बिजक जारी गरी ती फर्महरुबाट लिएको रकमको मूल्य अभिवृद्धि करसमेत सरकारलाई नबुझेकोले उनी विरुद्ध मुद्दा दायर गरिएको विभागले जनाएको छ । उनी अभिनास इन्टरनेशनल प्रालिको सञ्चालक समेत रहेका छन् ।

एक करोड ८९ लाख रुपैयाँ, आयकर तर्फ २ करोड ९७ लाख रुपैयाँ र लाभांश करतर्फ ४३ लाख २६ हजार रुपैयाँ राजस्व चुहावट गरेको आरोप छ । उनले राजस्व चुहावट ९अनुसन्धान तथा नियन्त्रण० ऐन, २०५२ को दफा ३ ले निषेधित एवं सोही ऐनको दफा ४ को खण्ड ९क०, ९ख०, र ९छ० बमोजिम कसुर गरी मूल्य अभिवृद्धि करतर्फ एक करोड ८९ लाख रुपैयाँ, आयकर तर्फ २ करोड ९७ लाख रुपैयाँ र लाभांश करतर्फ ४३ लाख २६ हजार रुपैयाँ राजस्व चुहावट गरेको अनुसन्धानबाट खुलेको छ ।