ललितपुरको हरिसिद्धिबाट सुटकेश, ब्याग र ल्यापटपको झोला चोरी, चारजना पक्राउ

२६ चैत, काठमाडौं । नेपाल प्रहरीले ललितपुरबाट ९५ लाखको सुटकेश चोरी गर्ने चारजनालाई पक्राउ गरेको छ । ललितपुरको हरिसिद्धिबाट ९५ लाखभन्दा बढी मूल्यको सुटकेश, ब्याग र ल्यापटपको झोला चोरी भएको हो ।

ललितपुर महानगरपालिका–२८ स्थित हरिसिद्धिबाट अनिरुद्र टिवरेवालले सञ्चालन गरेको अर्वन ओएसिस इन्टरप्राइजेजबाट अमेरिकन टुरिस्टर, सामसोनाइट र कामिलियन्ट ब्राण्डका सुटेकश चैत २३ मा चोरी भएको थियो । चोरीमा संलग्न ५ जनालाई पक्राउ गरिएको प्रहरीले जनाएको छ ।

पक्राउ पर्नेमा सिन्धुली घर भएका यमकुमार श्रेष्ठ, रामेछापका प्रदिप गौतम, सुनसरीका महेश अधिकारी, धनकुटाका दिपक खड्का र नविन अधिकारी छन् । सुनसरीको माता नगरपालिका–६ घर भई काठमाडौं बस्ने महेश अधिकारी अर्वन ओएसिस इन्टरप्राइजेजका पूर्व कर्मचारी हुन् । उ

सिसिटिभी फुटेज लगायत प्राविधिको अनुसन्धान गरेर प्रहरीले चोरीमा संलग्न आरोपीलाई नरेफाँट र जडिबुटीबाट पक्राउ गरेको थियो ।आरोपीका डेराबाट प्रहरीले चोरीका सुटकेश र झोला बरामद गरेको छ । बा.२१च ७३४४ नम्बरको गाडी प्रयोग गरेर उनिहरुले चोरी गरेका थिए । घटनाबारे अनुसन्धान भइरहेको छ।