प्रिज्मा र प्रिन्सीको चुच्चे नाकमा कस्तो सुहाको फुली लगाको

 २७ चैत, काठमाडौं । गायक सुरेन चन्द र गायिका विशाखा शाहीको स्वरमा रहेको कस्तो सुहाको फुली बोलको गितको भिडियो सार्वजनिक भएको छ । आवाजमा दम र मेलोडी भरीएका पछिल्लो पुस्ताका लोकप्रिय गायक सुरेन चन्दको नयाँ गित कस्तो सुहाको फुलीमा शब्द र संगित चर्चित संगीतकार सिएल शर्माको रहेको छ ।

साहस शाक्यको एरेन्ज रहेको गीतमा चर्चित नायक पल शाह र सुधिर श्रेष्ठसँग सुन्दरी जुम्ल्यहा दिदीबहिनीद्धय प्रिज्मा प्रिन्सी खतिवडाको गज्जब अभिनय रहेको छ ।

वैंशालु उमेरमा जानेर नजानेर गर्ने प्रैम र प्रेमी प्रेमीकाले गर्ने मिठा मिठा कुराहरुलाई गितकार शर्माले रोमान्टिक शैलीमा लेखेका छन् जसमा छमछम नाच्ने उनको संगितको तारिफ जति गरे पनि कम हुन्छ ।

प्रिज्मा, प्रिन्सीसँग सुधिर र पलको रोमान्टिक अभिनय र निर्माण यूनिटको अथक मेहेनतका कारण गितले राम्रो चर्चा पाइरहेको निर्माण यूनिटको भनाई छ । शान थापाको निर्देशनमा तयार भएको गितको भिडियोको कोरियोग्राफी राजिव समिरको रहेको छ । सुप्रिम पराजुलीको सम्पादन तथा कलरिगं रहेको भिडियोको छायांकन अर्जुन तिवारीले गरेका छन् ।