रोल्पामा डबल लिफ्टिङबाट खानेपानी

२८ चैत, काठमाडौं । रोल्पाको परिवर्तन गाउँपालिका–४ तातापानी र जरेनी गाउँमा डबल लिफ्टिङबाट खानेपानी पुग्ने भएको छ । डबल लिफ्टिङबाट आयोजनाबाट भेरीलाग्ने जरेनी तथा तातापानी खानेपानी सोलार पम्पिङ आयोजनाबाट एक विद्यालयसहित तातापानी र जरेनी गाउँका ९६ घरधुरी लाभान्वित हुने भएका छन् ।

नेपाल रेडक्रस सोसाइटीको ७४ लाख ५० हजार, परिवर्तन गाउँपालिकाको २५ लाख, वैकल्पिक ऊर्जा प्रवद्र्धन केन्द्रको १५ लाख र समुदायको ३४ लाख ५० हजार जनश्रमदान गरी कुल १ करोड ४९ लाखको लागतमा खानेपानी आयोजना सञ्चालन गर्न लागिएको हो ।

मुहानबाट १३ सय ५२ मिटर उचाईमा पानी तानेर ट्याङ्कीमा जम्मा गरी गाउँमा पठाइने भेरीलाग्ने जरेनी खानेपानी उपभोक्ता समितिका सचिव चन्द्रबहादुर मल्लले बताउनुभयो ।