चीनको एक कोइलाखानीमा बाढी पस्दा २१ कामदार फसे

२९ चैत, एजेन्सी । चीनको सिन्जियाङ्गस्थित एक कोइलाखानीमा बाढी पसेकाे छ । कोइलाखानीमा काम गरिरहेका २१ जना कामदार बाढी पसेपछि फसेका छन् ।

बीबीसी समाचारका अनुसार चीनको उत्तर–पश्चिमस्थित सिन्जियाङको हुतुवी काउन्टीको कोइलाखानीमा कार्यरत कामदारहरु बाढी पस्दा फसेको उल्लेख छ । समाचार जनाइ अनुसार त्यहाँ अहिले उद्धारकार्य जारी छ ।

आठ जनालाई सकुशल उद्धार गरिएको बीबीसीले जनाएकाे छ । कोइलाखानीभित्र २९ जना थिए ।चीनका कोइलाखानी विश्वकै जोखिमयुक्त मानिन्छन् । गत जनवरीमा एक सुन खानीमा विष्फोट हुँदा १० जनाको मृत्यु भएको थियो ।