कांग्रेस पदाधिकारी बैठकमा देउवा र पौडेल नजाने

 २९ चैत, काठमाडाैं । नेपाली कांग्रेसको पदाधिकारी बैठकमा सभापति शेरबहादुर देउवा र नेता रामचन्द्र पौडेल सहभागी नहुने भएका छन् । भोलि सोमबारका लागि बोलाइएको केन्द्रीय कार्यसमिति बैठकका एजेण्डा तय गर्न पार्टी केन्द्रीय कार्यालय सानेपामा बस्ने पदाधिकारी बैठकमा सभापति देउवा र नेता पौडेल सहभागी नहुने भएका हुन् ।

दुई बजेका लागि बोलाइएको बैठक अझै सुरु भएको छैन् । केन्द्रीय कार्यालयमा नेताहरू आउने क्रम सुरु भएको तर बैठक सुरु नभएको बताइएको छ ।

यस्तै बैठकमा माओवादी केन्द्र र जसपासँग सत्तासमीकरणका लागि भइरहेको छलफलको समीक्षा तथा थप रणनीति पनि तय हुने जनाइएको छ ।