कांग्रेसको प्रश्न : सरकारले संसोधित नयाँ नक्सा कहाँ लग्यो ?

३० चैत, काठमाडौं । नेपाली कांग्रेसकी सचेतक पुष्पा भुसालले सरकारले संसोधित नयाँ नक्सा कहाँ लग्यो भन्दै सरकारलाई प्रश्न गरेकी छन् । प्रतिनिधिसभाको सोमबार बसेको बैठकमा बोल्दै भुसालले चैत २७ गते विभुषण प्रदान गर्दा नयाँ नक्सा प्रयोग नभएको भन्दै आपत्ति जनाएकी हुन् ।

उनले नक्सा संसोधनपछि भूमि फिर्ता ल्याउने, नक्सामा समेटिएका क्षेत्रमा पूर्वाधार निर्माण नभएको, पाठ्यक्रममा नयाँ नक्सा राख्न सरकारले रोकेको भन्दै उनले सरकारप्रति आक्रोश पोखेकी छिन् । उनले तत्काल एमसीसीलाई सदनमा पेश गर्नुपर्ने पनि बताइन् ।