दुई बैंकसहित यी कम्पनीको शेयरमा झुम्मिए खरिदकर्ता, कुनको शेयरमा कति माग ?

३० चैत, काठमाडौं । साताको पहिलो कारोबार दिन आज (सोमबार) नेपाली शेयरबजारले नयाँ इतिहास कायम गरेको छ । यसअघि चैत्र २४ गते मंगलबार २६७४.३५ विन्दुमा पुगी अलटाइम हाइ रेकर्ड बनाएकोमा नेप्सेले आज सोही विन्दुलाई तोडेर नयाँ रेकर्ड बनाएको हो ।

सोमबार शेयरबजार २६९१.५५ विन्दुमा पुगेको छ । यो बन्द हुँदाको हालसम्म कै उच्च विन्दु हो । आज शेयरबजारमा नेपाल इन्फ्रास्ट्रक्चर बैंकसहित पाँच कम्पनीको शेयरमा उच्च माग देखिएको छ ।

सोमबार एनआईसीई एशिया लघुवित्त, निफ्रा, अरुण भ्याली हाईड्रोपावर, मेगा बैंक र ज्योति लाइफ इन्स्योरेन्सको शेयरमा उच्च माग देखिएको हो ।आज सबैभन्दा बढि ज्याति लाइफ इन्स्योरेन्सको शेयर खरिद चाप रहेको छ ।

आज इन्स्योरेन्सको शेयरमा करिब १२ लाख बढि कित्ताको माग आएको छ । कम्पनीको शेयरमा उच्च खरिद चाप आएपनि बिक्रीकर्ता भने शून्य छन् ।

कम्पनी शेयरमूल्य पनि ९ दशमलव ८६ प्रतिशतले वृद्धि भएको छ । आज ४२ रुपैयाँले बढेर प्रतिकित्ता ४६८ पुगेको छ ।

त्यस्तै, नेपाल इन्फ्रास्ट्रक्चर बैंक (निफ्रा), अरुण भ्याली हाईड्रोपावर, मेगा बैंक र ज्योति लाइफ इन्स्योरेन्सको शेयरमा उच्च माग देखिएको हो ।

त्यस्तै, निफ्राको शेयरमा करिब साढे ५ लाख बढि कित्ता शेयरको माग आएको छ । अरुण भ्याली हाईड्रोपावरको शेयरमा ८ लाख ७१ कित्ता माग, एनआईसी एशिया लघुवित्तको शेयरमा ६ लाख २७ हजार कित्ता र मेगा बैंकको शेयरमा ८ लाख ५२ हजार र ज्याति लाइफ इन्स्योरेन्सको शेयरमा १२ लाख ४५ हजार कित्ताको शेयर माग आएको छ ।