टी–ट्वान्टी क्रिकेट सिरिजको खेल समय परिवर्तन

३१ चैत, काठमाडौं । नेपालमा आयोजना हुने त्रिकोणात्मक टी–ट्वान्टी क्रिकेट सिरिजको खेल समय परिवर्तन भएको छ । नेपाल क्रिकेट संघ ‘क्यान’ ले मंगलबार सिरिजको खेल समय परिवर्तन गरेको हो । क्यानले प्राविधिक कारण समय परिवर्तन गरिएको जनाएको छ ।

टियु क्रिकेट मैदानमा आयोजना हुने सिरिजमा नेपाल, नेदरल्यान्ड्स र मलेसियाले खेल्ने छन् । नेपालले पहिलो खेलमा नेदरल्यान्ड्ससँग खेल्नेछ । नेपाल र नेदरल्यान्ड्सबीचको खेल बैशाख ४ गते हुनेछ ।

खेल दिउँसो १स्१५ बजे सुरु हुनेछ । नेपालले दोस्रो खेलमा मलेसियासँग बैशाख ६ मा खेल्नेछ । नेपालले तेस्रो खेल नेदरल्यान्ड्ससँग बैशाख ७ मा खेल्नेछ ।

यस्तै नेपालले अन्तिम लिग खेल बैशाख ९ गते मलेसियासँग खेल्नेछ । डबल राउण्ड रोबिनको आधारमा हुने सिरिजको शीर्ष दुई टिमले उपाधिका लागि खेल्नेछन् । फाइनल खेल बैशाख ११ गते हुनेछ ।