डा. शेखरद्वारा सम्पुर्ण नेपालीमा नयाँ वर्ष २०७८ को शुभकामना व्यक्त

१ बैशाख, काठमाडाैं । नेपाली कांग्रेसका प्रभावशाली नेता डा. शेखर कोइरालाले नयाँ बर्षले कोरोना महामारीलाई परास्त गर्दै देशमा बिद्ध्यमान राजनीतिक अस्थिरता अन्त्य गर्न सकोस भन्ने कामना गरेका छन् । नयाँ बर्षको पुर्वसन्ध्यामा देशबिदेशमा रहेका सम्पुर्ण नेपाली दाजुभाइ दिदीबहिनीहरुमा आफ्नो फेसवुक पेजमार्फत एक शुभकामना शन्देस लेख्दै डा. कोइरालाले नयाँ बर्ष फलदायी र अग्रगामी बन्नसकोस भन्ने अपेक्षा समेत राखेका छन्।

नेपालको राजनीतिमा २०७७ साल अत्यन्तै कष्टकर र अत्यन्तै निराशामा बितेको थियो । नेपाली जनताको भावना र चाहनामा ठेस लाग्ने काममात्र नभई सिङ्गो ब्यवस्था माथिनै कुदृष्टि परेर नेपालका लोकतन्त्रवादी दलहरुले लामो समयसम्म सडक आन्दोलन समेत गर्नुपरेको तितो यथार्थतातर्फ लक्षित गर्दै डा.कोइरालाले आगामी नयाँ बर्ष २०७८ सालले देशमा विकसित राजनीतिक अस्थिरताले समेत निकास पाओस भनेर आफ्नो शुभकामना सन्देशमा उल्लेख गरेका छन् ।

२०७७ सालमा नेपाली जनतालाई अत्यन्तै पीडा र महामारी बोकेर आएको कोभिड १९ (कोरोना) ले नेपालमा पुर्याएको अत्यन्तै ठुलो जनधनको क्षति प्रति गहिरो दुःख र चिन्ता व्यक्त गर्दै डा. कोइरालाले आगामी नयाँ बर्ष २०७८ ले सिङ्गो मुलुक र सम्पुर्ण नेपालीमा सुख, शान्ति, प्रगति र हर्ष ल्याओस भनेर कामनासमेत गरेका छन् ।

नेपाली कांग्रेसका केन्द्रीय सदस्य तथा नेपाली कांग्रेसका भावि सभापतिका दावेदार डा. शेखरले देश भित्र देखिएको राजनीतिक अस्थिरता हटनु र नेपाली जनताले सुख शान्ति र अमनचयन प्राप्त हुनु अनि देशमा महामारीका रुपमा पुनः फण्डा फुलाउन खोजिरहेको कोरोना महामारी पनि नयाँ बर्षसँगै सदाका लागि निर्मुल भएर जाओस भन्ने चाहना र कामनासमेत आफ्नो शुभकामना मन्तव्यमा उल्लेख गरेका छन् ।