‘प्रजातन्त्र र राष्ट्रियता सुढृद तुल्याउन राजसंस्था र सनातन हिन्दुराष्ट्र कायम गर्नु पर्ने’– जबरा
नेपालबहस संवाददाता
बैशाख १, २०७८ बुधबार २०:१६:२५
१ बैशाख, काठमाडौं । राष्ट्रिय प्रजातन्त्र पार्टी (राप्रपा) का अध्यक्ष पशुपति शम्शेर जबराले प्रधानमन्त्री केपी शर्मा ओलीको कार्यकालमा जनताको भलो नभएको भन्दै प्रजातन्त्र र राष्ट्रियता सुढृद तुल्याउन दलभन्दा माथि रहने राजसंस्था र सनातन हिन्दुराष्ट्र कायम गर्नु पर्ने बताएका छन् ।
‘केपी शर्मा ओली प्रधानमन्त्री भएको साढे तीन वर्षमा नेपाली जनतालाई भलो भएको देखिन्न । स्पष्ट बहुमतका बाबजुद राजनीति, समय अन्योलमै बित्यो । दुईतिहाइ बहुमतको अवसर त्यसै खेर फालियो,’ राप्रपा अध्यक्ष राणाले भने ।
नव वर्ष २०७८ को अवसरमा शुभकामना सन्देश जारी गर्दै राणाले भने, ‘कोरोना महामारी, गिर्दो अर्थतन्त्र, नैतिक ह्रास र अस्थिरताबीच हामी नव वर्ष २०७८ मा प्रवेश गर्दैछौं । अब के हुन्छ भन्नेमा अन्योल कायम नै छ ।’
उनले भने, ‘अहिलेकै अवस्थामा देश, राजनीति चल्दैन भन्ने जनभावनाबीच राप्रपाप्रति आकर्षण स्वभाविक बढेको छ । यसैबीच पार्टी महाधिवेशनलाई संगठन निर्माण गर्ने आधारको रुपमा हामीले लिएका छौं ।’
राजसंस्थाको अभिभावकीय भूमिकामा जोड दिँदै अध्यक्ष राणाले भने, ‘दलीय प्रतिनिधिबाट राष्ट्रप्रमुखको निष्पक्ष भूमिका निर्वाह हुन्न भन्ने यथार्थ अवस्था अनुभवबाटै स्थापित भएको छ । त्यसैले प्रजातन्त्र, राष्ट्रियता सुढृद तुल्याउन, दलभन्दा माथि रहने उही पुरानो संस्था, राजसंस्थालाई निष्पक्ष राष्ट्रप्रमुख कायम गर्नु पर्छ भन्ने हाम्रो विश्वास हो । सनातन सापेक्ष हिन्दुराष्ट्र कायम गर्नु पर्छ भन्ने हाम्रो मान्यता हो ।’
सुचना प्रविधिको वर्तमान परिवेशमा स्वार्थको चलखेल नै हुँदैन भन्न सकिन्न, सन्देशमा राणाले भने । ‘यद्यपि विभिन्न स्वार्थका अतिरिक्त राष्ट्रवादी शक्ति अघि बढ्ने हो, राष्ट्रवादी शक्तिले नै आफ्नो विचार कायम गराउने हो । परिवर्तन अन्तत्वगत्वाः नेपाली तत्वबाटै प्राप्त हुने हो ।’
उनले भने, ‘यही मनोकामनासहित आगामी दिनमा राष्ट्रिय स्वार्थ, राष्ट्र हित कायम हुन्छ भन्ने विश्वास राखौं । नयाँ वर्ष २०७८ को पुनित अवसरमा समस्त नेपाली दाजुभाई तथा दिदीबहिनीलाई सफलता, सुकीर्तिको हार्दिक शुभकामना ।’
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपसंसदीय समितिको बैठक बस्दै
बैशाख १४, २०८१ शुक्रबार
डढेलो नियन्त्रणमा सरकार संवेदनशील भएन : नेता कोइराला
बैशाख १४, २०८१ शुक्रबार
जसपा केन्द्रीय कार्यकारिणी समितिको बैठक बस्दै
बैशाख १४, २०८१ शुक्रबार
गृहमन्त्रीको आलोचना गर्ने युवकमाथि प्रहरीको चरम यातना
नेपालबहस संवाददाता
बैशाख १३, २०८१ बिहिबार
राज्यकोषबाट १-२ अर्ब निकालेर सहकारी पीडितलाई दिने गृहमन्त्रीको मुड !
नेपालबहस संवाददाता
बैशाख ११, २०८१ मंगलबार
गृहमन्त्रीको आलोचना गर्ने युवकमाथि प्रहरीको चरम यातना
बैशाख १३, २०८१ बिहिबार
सुनचाँदीको मूल्य घट्यो, कतिमा हुँदै छ किनबेच ?
बैशाख १३, २०८१ बिहिबार
विश्वकै प्रदूषित शहर बन्यो काठमाडौं, वायुप्रदूषण तह बढेर शिर्ष स्थानमा उक्लियो
बैशाख १४, २०८१ शुक्रबार
बुलबुलेमा मोटरबोट
बैशाख १४, २०८१ शुक्रबार
बेँसीसहर–खुदी सडक कालोपत्र सम्पन्न
बैशाख १४, २०८१ शुक्रबार
विश्वमा २८२ मिलियन मानिसहरू भोकमरीको चपेटामा, गत बर्ष थपिए २४ मिलियन
बैशाख १४, २०८१ शुक्रबार
देशभर कक्षा १२ को परीक्षा शान्तिपूर्ण रूपमा हुँदै
बैशाख १४, २०८१ शुक्रबार
भारतमा लोकसभाको दोस्रो चरणको मतदान जारी, १३ राज्यका ८८ सिटमा चुनाव हुँदै
बैशाख १४, २०८१ शुक्रबार