काठमाडौं उपत्यकासहित ललितपुरमा असिना पानी !

३ वैशाख, काठमाडौं । शुक्रबार काठमाडौं उपत्यकासहित ललितपुरमा असिनासहितको पानी परिरहेको छ । पश्चिमी वायुको प्रभावले वाग्मती, गण्डकी र प्रदेश नम्बर एकको पहाडी ठाउँहरूमा पानी परेको मौसम पूर्वानुमान महाशाखाले जनाएको छ ।

जल तथा मौसम पूर्वानुमान महाशाखाका अनुसार देशका धेरैजसो पहाडी भू–भागमा आजैर बेलुकीपछि पानी पर्ने सम्भावना रहेको छ । बिहीवार राति पनि देशका धेरै ठाउँमा हुरी बताससहित चट्याङ परेको थियो । वाग्मती, गण्डकी र सुदूरपश्चिमसहित प्रदेश १ र २ मा ठूलो हावाहुरी चलेको थियो ।

अहिले प्रि–मनसुन सक्रिय भएकाले हुरी चलेको मौसमविद्ले बताएका छन् । नेपालमा गएको मार्च महिनादेखि नै प्रि–मनसुन भित्रिएको भए पनि सक्रिय हुन सकेको थिएन । यसले गर्दा मौसम धुम्म हुने गरेको थियो । अबको केही दिन भने प्रि–मनसुन सक्रिय भए पनि पानी पर्ने गरी प्रणाली नबनेकाले ठूलो हुरी चले पनि वर्षाको सम्भावना भने खासै छैन ।

यसैबीच, महाशाखाले देशका पहाडी भू भागका थोरै स्थानमा अपरान्हर साँझतिर मेघगर्जन र चट्टयाङ्ग र हावाहुरी सहित हल्का वर्षाको सम्भावना रहेकोले आवश्यक सतर्कता अपनाउनु हुन अनुरोध छ।