माओवादीको स्थायी कमिटी भोलि

५ वैशाख, काठमाडौं । केपी ओली सरकारलाई दिएको समर्थन फिर्ता नलिएको भन्दै चौतर्फी आलोचना खेपिरहेको नेकपा माओवादी केन्द्रले भोलि भने महत्वपूर्ण निर्णय लिने भएको छ ।

यसै प्रयोजनका लागि माओवादीले भोलि दिउँसो २ बजे पार्टीको स्थायी कमिटी बैठक बोलाएको छ । पार्टी प्रवक्ता नारायणकाजी श्रेष्ठका अुनसार, भोलि बस्ने स्थायी कमिटी बैठकले महत्वपूर्ण विषयमा ठोस निर्णय लिनेछ ।

श्रेष्ठले सोझै नबताएपनि भोलिको बैठकले ओली सरकारमाथि दिंदै आएको समर्थन फिर्ता लिने र वैकल्पिक सरकार निर्माणका लागि पहलकदमी लिने निर्णय गर्ने छ । यसबारे प्रचण्डले नेपाली कांग्रेसका सभापति शेरबहादुर देउवा र जनता समाजवादीका अध्यक्ष उपेन्द्र यादव र डा. बाबुराम भट्टराईलाई जानकारी गराइसकेका छन् ।