शीर्ष नेताहरुबीच मतभेद हुँदा कांग्रेस बैठक स्थगित

५ वैशाख, काठमाडौं । नेपाली कांग्रेसका शीर्ष नेताबीच कुरा नमिल्दा केन्द्रीय कार्यसमितिको बैठक स्थगित भएको छ । काग्रेस महाधिवेशनको कार्यतालिका र सत्ता समीकरणका विषयमा सहमति हुन नसक्दा कुरा नमिल्दा आइतबार डाकिएको कांग्रेस केन्द्रीय कार्यसमितिको बैठक स्थगित भएको हाे।

बैठक सोमबार  दिउँसो ४ बजे बस्ने छ । क्रियाशील सदस्यता तोकिएको समयमा इन्ट्री सुरु नहुँदा महाधिवेशनको कार्यतालिका नै परिवर्तन गर्नुपर्ने स्थिति छ। कार्यतालिका हेरफेरका विषयमा शीर्ष नेताहरुबीच मतभेद देखिएपछि बैठक स्थगित भएको स्रोतले बताएको छ ।

शीर्ष नेताहरुबीच सहमति हुन सकेन। जसका कारण तयारी नपुगेको भन्दै एकाएक बैठक स्थगित हुँदै आएको छ । यस्तै चैत २० गते प्रधानमन्त्री केपी ओलीको राजीनामा माग्ने र आफ्नो नेतृत्वमा सरकार बनाउने निर्णय गरेको कांग्रेस कसरी अघि बढ्नेमा अन्यौलमा देखिन्छ। सत्ता समीकरणका विषयमा समेत कसरी अघि बढ्ने भन्ने विषयमा शीर्ष नेताहरु एकमत छैनन्।