माधव नेपालको राजनीतिक बेइमानी अक्षम्यः ओली

६ वैशाख, काठमाडौं । नेकपा अध्यक्षसमेत रहेका प्रधानमन्त्री केपी ओलीले पार्टी भित्रको चरम अनुशानहिनतालाई समयमै नियन्त्रण गर्न नसक्दा भाँडभैलो भएको बताएका छन् । आफ्नो सरकारी निवासमा आज बोलाइएको केन्द्रीय कमिटी बैठकलाई संवोधन गर्दै ओलीले भने– माधव नेपालको अराजनीतिक र गैरजिम्मेवार प्रवृत्तिले कर्णाली प्रदेशमा भाँडभैलो भएको हो ।

माधवजीले कर्णालीमा जुन व्यवाहार गरे त्यो राजनीतिक बेइमानी र अक्षम्य अपराध पनि हो । कर्णाली प्रदेश सरकारविरुद्ध एमालेले ल्याएको अविश्वास प्रस्तावमा नेपाल पक्षीय चार जना सांसद्ले फ्लोक्रस गरेकाले माओवादी नेतृत्वको सरकार जोगिएको थियो । धेरै समय ओलीले यही प्रकरणमा आफ्नो धारणा राखेका थिए । साथै, नेकपा माओवादी अध्यक्ष पुष्पकमल दाहाल ‘प्रचण्ड’ले आफ्नो बद्नाम गर्न अनावश्यक हल्ला फिंजाएको बताए ।

प्रचण्डले भारतीय खुफिया एजेन्सी रअ प्रमुख सामन्तकुमार गोयलसँग ओलीले गोप्य सम्झौता गरेको आरोप लगाएका छन् । ओलीले त्यस्तो कुनै सम्झौता नभएको भन्दै आफ्नो वचाउ गरेका थिए ।