कुमारी बैंकको कार्ड बाहकलाई ल्यान्डमार्क फुडसमा विशेष छुट

६ वैशाख, काठमाडौं । कुमारी बैंक लिमिटेड र जावलाखेलस्थित ल्यान्डमार्क फुडसबीच सेवा सुविधामा दिने छुट सम्बन्धि सम्झौता भएको छ ।

ल्यान्डमार्क फुडसकाे सेवा सुविधा उपभोग गर्ने ग्राहकलाई कुमारी बैंकको डेबिट/क्रेडिट कार्डबाट भुक्तानी गरेमा विशेष छुट प्रदान गर्ने सम्बन्धी सम्झौता भएकाे बैंकले जनाएको छ ।

जिन्दगीको निरन्तर यात्रामा थकित तन र मनलाई गतिशील राख्न एवं मानसिक सचेतना तथा उर्जा पूणर्जागरणका लागी विश्राम तथा मनोरञ्जन अत्यावश्यक रहेको हुन्छ । शहरिया जीवनको व्यस्तताबाट राहतको लागि सो रेस्टुरेण्ट्को विभिन्न सेवाहरुमा बैंकका डेबिट/क्रेडिट कार्डवाहकहरुलाई आकर्षक छुटको व्यवस्था गरेको जानकारी दिइएको छ ।

सो सम्झौता पत्रमा कुमारी बैंक लि. मार्केटिंग प्रमुख नवीनमुनि बज्राचाय तथा ल्यान्डमार्क फुडस् तर्फबाट संस्थापक रोहित श्रेष्ठले हस्ताक्षर गरेका छन् । बैंकको प्रधान कार्यालय टंगालस्थित एक संक्षिप्त कार्यक्रममा आधिकारिक रूपमा उक्त छुट सम्बन्धी सम्झौता गरिएको हो । सो सहकार्य पश्चात् कुमारी बैंकका ग्राहकवर्गले ल्यान्डमार्क फुडसका विभिन्न खानपिनमा १०% सम्मको आकर्षक छुट प्राप्त गर्न सक्ने छन् ।

कुमारी बैंकले आफ्ना देशव्यापी १९३ शाखा सञ्जाल, १६५ एटीएम, २६ शाखारहित बैंकिङ्ग ईकाई तथा १३ एक्सटेनसन काउन्टरबाट अत्याधुनिक बैंकिङ्ग सुविधाहरु दिँदै आएको र आगामी दिनहरुमा अझ सरल, सुलभ तथा उत्कृष्ट सेवाका निमित्त सहकार्यहरु गर्दै जाने प्रतिबद्धता जनाएको छ ।