नेपाल समूहको रिट दर्ता भएन

८ वैशाख, काठमाडौं । नेकपा एमालेको माधवकुमार नेपाल समूह आज सर्वोच्च अदालत पुगेको छ । माधव समूह आफुहरुलाई पदमुक्त गर्न खोजिएको भन्दै सर्वोच्चमा पुगेको हो । राजनीतिक दलसम्बन्धी ऐन विपरीत पदमुक्त गर्न खोजिएको भन्दै नेकपा एमालेको माधवकुमार नेपाल समूह सर्वोच्च अदालत गएको छ ।

एमाले अध्यक्ष एवं संसदीय दलका नेता ओलीले माधवकुमार नेपालसहित २७ प्रतिनिधिसभा सदस्यलाई सांसद पदबाट किन पदमुक्त नगर्ने भनेर मंगलबार स्पष्टीकरण सोधेका थिए । त्यसकै विरुद्धमा नेपाल समूह सर्वोच्च अदालत पुगेको थियो । तर समय अभावका कारण सर्वोच्चमा रिट निवेदन दर्ता हुन सकेन् ।

बुधबार दिउँसो ३ बजे अदालत पुगेका उनीहरु समय अभावका कारण निवेदन दर्ता हुन सकेन् । आज रिट निवेदन दर्ता नभएपनि प्रक्रियामा गएको र भोलि दर्ता हुन सक्ने अधिवक्ता टीकाराम भट्टराईले बताएका छन् ।