नेपाल आर्थिक सल्लाहकारसँग

९ वैशाख, काठमाडाैं । प्रधानमन्त्री एवम् नेकपा अध्यक्ष केपी ओलीसँगको भेटवार्तापछि एमाले वरिष्ठ नेता माधवकुमार नेपाल र प्रधानमन्त्री ओलीका आर्थिक सल्लाहकार मोतीलाल दुगडबीच छलफल भएको छ।

नेता नेपाल र सल्लाहकार दुगडबीच राजधानीको नक्सालस्थित मेरियट होटलमा छलफल जारी छ ।  केही बेरअघि ओली र नेपालबीचको भेटवार्ता सोही होटलमा भएको थियो। भेटवार्तामा भएको सहमतिबारे केही जानकारी सार्वजनिक गरिएको छैन।

बुधबार र बिहीबार भएको वार्तापछि दुई नेताबीच विगत केही महिनादेखि जारी संवादहीनता भने तोडेको छ। बिहीबार भएको दुई घन्टा लामो वार्तापछि प्रधानमन्त्री ओली बैठकस्थलबाट निस्किएका छन्।