ओली र गौतमबीच बालुवाटारमा डिनर बैठक

१० वैशाख, काठमाडौं । प्रधाानमन्त्री केपी ओलीले बिहीबार बेलुकी नेकपा एमालेका उपाध्यक्ष वामदेव गौतमसँग डिनर बैठक गरेका छन् ।ओली र गौतमबीच बालुवाटारमा डिनर बैठक भएको हो।

प्रधानमन्त्री निवास बालुवाटारमा भएको दुइ नेताको डिनर बैठकमा कानूनमन्त्री लीलानाथ श्रेष्ठ र एमाले प्रमुख सचेतक विशाल भट्टराई पनि सहभागी थिए ।

बैठकमा सहभागी नेकपा ओली पक्षका नेता विशाल भट्टराईका अनुसार नेता गौतमले ओली देशको प्रधानमन्त्री भए पनि उनीसँग आफ्नो सम्बन्ध जमानादेखि रहेको र अटूट रहेको उल्लेख गरेका थिए।

गौतमसँग डिनर बैठक गरेका प्रधानमन्त्री ओलीले दिउँसो राजधानीको मेरियट होटलमा नेकपाका अर्का नेता माधव कुमार नेपालसँग भेट गरेका थिए।