बिशाल बजार र महिला लघुवित्तको शेयरमूल्य सर्किट लेभलमा कारोबार

१२ बैशाख, काठमाडौं । बिशाल बजार कम्पनी र महिला लघुवित्त वित्तीय संस्थाको शेयरमूल्य सर्किट लागेर कारोबार भएको छ । आइतबार यी दुई वटै कम्पनीको शेयर सर्किट लागेर उच्च दरमा वृद्धि भएको छ ।

महिला लघुवित्तको शेयरमूल्य अघिल्लो कारोबार दिनको तुलनामा ९ दशमलव ९९ प्रतिशत र बिशाल बजार कम्पनीको शेयरमूल्य ९ दशमलव ९७ प्रतिशतले वृद्धि भएको हो ।

यो समाचार तयार पार्दाको समय १२ बजेसम्ममा महिला लघुवित्तको शेयर मूल्य प्रतिकित्ता २१ सय ३६ रुपैयाँ पुगेको छ भने बिशाल बजार कम्पनीको शेयर मूल्य प्रतिकित्ता ३४ सय ८४ रुपैयाँ पुगेको हो ।

यी दुबै कम्पनीको शेयरमा विक्रेताभन्दा खरीदकर्ता धेरै भएकाले शेयर मूल्य बढेको हो । यो दिन लघुवित्तको शेयरमा सबैभन्दा बढी २ लाख ३५ हजार ५०५ कित्ता खरीद माग छ भने बिशाल बजार कम्पनीको शेयरमा ३८ हजार ५४४ कित्ता खरिद माग रहेको छ ।

महिला लघुवित्तले केही समय अगाडि मात्र आईपीओ निष्कासन गरेको हो भने करिब तीन महिना कारोबार रोक्का गरिएको बिशाल बजार कम्पनीको शेयर भर्खरैमा त्र नेप्सेले फुकुवा गरेको हो ।