माधव पक्षका सांसदलाई तत्कालै कारबाही नगरिने

१२ बैशाख, काठमाडाैं ।  कदाचित आज सर्वाेच्च अदालतमा परेको एउटा रिटको सुनुवाई अगाडि परेको थियो भने नेकपा एमालेले माधवकुमार नेपाल पक्षका केही सांसद्हरुलाई निलम्बन गर्ने थियो ।

गएको विहिबार माधवकुमार नेपाललगायत एमालेका नेताहरुले सर्वाेच्च अदालतमा आफूहरुमाथि पूर्वाग्रह साँधेर कारबाही गर्न लागिएको भन्दै सर्वाेच्चको फागुन २३ को फैसला कार्यान्वयन गर्न पार्टी अध्यक्ष केपी ओली अनिच्छुक भएको भन्दै रोक्न रिट दायर गरेको थियो ।

सर्वाेच्चले आजका लागि सुनुवाई गर्ने गरी पेशी तोकेको थियो । उक्त रिटको सुनुवाई गर्न न्यायधीश प्रकाशकुमार ढुँगानाको इजलाशसमेत तोकिएको थियो । तर निवेदनले अग्राधिकार भने पाएन । ३० औं नम्बरमा पालो प¥यो ।

उता, आजै फैसला आउन सक्ने र प्रतिकूल हुन सक्ने सम्भावना देखेपछि अध्यक्ष ओलीले बिहान अकस्मात केन्द्रीय कमिटीको मिटिङ डाके । उक्त मिटिङले नेपाल पक्षका केही उग्र सांसद्हरुलाई निलम्बन गर्ने तयारी गरेको थियो । त्यसको तयारी भइसकेको थियो ।

आजै भेला भएका ओली पक्षीय नेताहरुको स्थायी कमिटी बैठकले आजै सर्वाेच्चले अन्तरिम आदेश दिने अवस्था नभएकाले अर्काे पेशी नभइञ्जेल कारबाही प्रकृया स्थगन गर्न प्रस्ताव ग¥यो । सोही ब्मोजिम आजको केन्द्रीय कमिटीले उचित समयमा उचित कारबाही गर्ने निर्णय गरेको छ ।

बैठकपछि सञ्चारकर्मीहरुसँग कुरा गर्दै पार्टी प्रवक्ता प्रदीपकुमार ज्ञवालीले भने– उचित समयमा आवश्यक कारबाही गरिने छ । अबका दिन नेताहरु कसरी प्रस्तुत हुनुहुन्छ त्यो हेरेर मात्रै थप निर्णय गरिने छ । साथै, आजको बैठकले कोरोना संक्रमण रोकथामका लागि पार्टी कमिटी परिचालन गर्ने निर्णय गरेको जानकारी प्रवक्ता ज्ञवालीले दिए ।