पछिल्लो २४ घण्टामा थप ३१२२ जनामा संक्रमण पुष्टि

१२ बैशाख, काठमाडौं । नेपालमा पछिल्लो २४ घण्टामा ३ हजार १३३ जनालाई कोरोना संक्रमण पुष्टि भएको छ। स्वास्थ्य तथा जनसंख्या मन्त्रालयका अनुसार ९ हजार २९२ जनाको पीसीआर र ७८६ जनाको एन्टिजेन परीक्षण भएकोमा ३ हजार १२२ जनालाई संक्रमण पुष्टि भएको हो।

३ हजार ३२ जनाको पीसीआर परीक्षणमा संक्रमण पुष्टि भएको हो भने ९० जनाको एन्टिजेन पोजेटिभ देखिएको मन्त्रालयले जनाएको छ। आज कोरोना पुष्टि भएका सक्रमितमध्ये १ हजार ४९८ जना काठमाडौं उपत्यकाका छन्।

काठमाडौंमा १ हजार १३२, भक्तपुरमा ९६ र ललितपुरमा २७० जनामा संक्रमण पुष्टि भएको हो। हाल देशभर सक्रिय संक्रमितको संख्या १९ हजार ३८२ छ। त्यस्तै पछिल्लो २४ घण्टामा संक्रमणमुक्त हुनेको संख्या ४५० छ।