सीसीएमसीको सिफारिस अनुमोदनका लागि मन्त्रिपरिषद् बैठक बस्दै

१३ बैशाख, काठमाडौं । कोभिड १९ संकट ब्यवस्थापन केन्द्र सीसीएमससीले गरेको सिफारिस अनुमोदनका गर्न मन्त्रिपरिषद बैठक बस्दै छ।   कोभिड १९ को बढ्दो सक्रमण न्यूनिकरणका लागि सीसीएमसीको आइतबार बसेको बैठकले पहाडी क्षेत्रमा २०० जना र शहरी क्षेत्रमा ५०० भन्दा बढी सक्रिय संक्रमित भएको क्षेत्रमा निषेधाज्ञा लगाउन स्थानीय प्रशासनलाई आधिकार दिने सिफारिस गरेको  छ ।

त्यसैगरी सीसीएमसीले आजदेखि शुरु हुने संचालनमा रहेका भौतिक उपस्थिति भएर दिने सबै परिक्षाहरु स्थगन गर्ने निर्णय गर्दै त्यसको कार्यान्वयका लागि समेत सिफारिस गरेको छ ।

स्वास्थ्य तथा जनसंख्या मन्त्रालयका अनुसार हाल  मुलुकभरका ७७ जिल्लामा सक्रिय संक्रमितको संख्या १९ हजार ३ सय ८२ पुगेको छ ।उनका अनुसार त्यसमध्ये ९ जिल्लामा ५ सय भन्दा बढी सक्रिय संक्रमित देखिएका छन् ।

सबैभन्दा बढी काठमाडौं जिल्लामा संक्रिय संक्रमितको संख्या ६ हजार ५ सय २८ पुगेको छ भने दोस्रोमा बाँकेमा सक्रिय संक्रमितको संख्या २ हजार ३ सय ३९ पुगेको छ । तथ्यांक अनुसार सक्रिय संक्रमितको संख्या ललितपुरमा १ हजार ३ सय ५१, रुपन्देहीमा १ हजार ३ सय १३, पर्सामा ६ सय ४३, भक्तपुरमा ६ सय १३, कास्की ६ सय १३, मोरङमा ५ सय ६१ र दाङमा ५ सय ५७ पुगेको छ ।  यि नौ जिल्लामा निषेधाज्ञा लगाउनु पर्ने देखिन्छ ।

सबैभन्दा बढी काठमाडौं जिल्लामा संक्रिय संक्रमितको संख्या ६ हजार ५ सय २८ पुगेको छ भने दोस्रोमा बाँकेमा सक्रिय संक्रमितको संख्या २ हजार ३ सय ३९ पुगेको छ । तथ्यांक अनुसार सक्रिय संक्रमितको संख्या ललितपुरमा १ हजार ३ सय ५१, रुपन्देहीमा १ हजार ३ सय १३, पर्सामा ६ सय ४३, भक्तपुरमा ६ सय १३, कास्की ६ सय १३, मोरङमा ५ सय ६१ र दाङमा ५ सय ५७ पुगेको छ ।

पाँच सयभन्दा कम तर २ सयभन्दा माथि सक्रिय संक्रमित हुने जिल्लाको संख्या ४ छ । जसमध्ये कैलालीमा ४ सय ३४, चितवनमा ३ सय ९६, सुर्खेतमा ३ सय ७३ र बर्दियामा २ सय ७९ रहेका छन् । यस्तै दुई सय नजिक सक्रिय संक्रमित पुग्ने जिल्लाको संख्या २ रहेको छ । जसमा कञ्चनपुरमा १ सय ९९ र पाल्पामा १ सय ८३ सक्रिय संक्रमित छन् ।