सिंगटी हाइड्रोको १ करोड ५० हजार कित्ता आईपीओ नेप्सेमा सूचीकृत, ओपनिङ्ग रेन्ज कति ?

१४ बैशाख, काठमाडौं । सिंगटी हाइड्रो इनर्जी लिमिटेडको शेयर नेप्सेमा सूचीकृत भएको छ । मंगलबार कम्पनीको १ करोड ४५ लाख कित्ता सर्वसाधारण शेयर नेप्सेमा सूचीकृत भएको हो ।

सर्वसाधारणलाई निष्काशन गरेको २९ लाख कित्ता, आयोजना प्रभावित क्षेत्रका वासिन्दाहरुका लागि निष्काशन गरेको १४ लाख ५० हजार कित्ता र कम्पनीका संस्थापकहरुले लगानी गरेको १ करोड १ लाख ५० हजार कित्ता समेत गरी सो बराबरको शेयर नेप्सेमा सूचीकृत भएको हो ।

कम्पनीको शेयर भोलि बुधबार देखि कारोबारमा आउने छ । नेप्सेले कम्पनीको शेयरलाई न्युनतम १०० रुपैयाँ देखि ३०० रुपैयाँसम्म ओपनिङ्ग रेन्ज प्रदान गरेको छ । त्यस अनुसार बुधबार पहिलो कारोबार हुनेछ ।

कम्पनीले शेयरलाई नेप्सेले एसएचईएल कारोबार संकेत प्रदान गरेको छ ।